Gjykata e Posaçme e Apelit ka rrëzuar kërkesën e kryetarit të Bashkisë së Tiranës, Erion Veliaj, për shfuqizimin e një vendimi të Shkallës së Parë për pezullimin e afateve të paraburgimit.
Avokati Plarent Ndreca tha se pezullimi i afateve bëhet edhe në mënyrë kolektive duke bërë që sjellja e një të pandehuri të ndikojë te një tjetër. Për këtë qëllim, pala mbrojtëse është e vendosur për ta ndjekur këtë në të gjitha shkallët. Gjithashtu kërkon që mos të cenohen provat dixhitale të pahapura nga gjykata.
“Është një standard i vendosur, i kalcifikuar në dy gjykata të shkallës së parë kur pezullimi i afateve të paraburgimit bëhet edhe për arsye që nuk lidhen fare me personin nën akuzë, përkthehet në një zgjatje të afateve të paraburgimit në mënyrë kolektive, nga sjellja e një të pandehuri e pëson edhe një i pandehur tjetër, që në gjykimin tonë është antikushtetuese. Ne do i ndjekim të gjitha shkallët deri në Gjykatë Kushtetuese e Strasburgut për të zhbërë këtë lloj praktike të kalcifikuar dhe që është në cenim të plotë të drejtave dhe lirive të njeriut. Arsyeja e dytë është këmbëngulja që kemi me provat dixhitale të pahapura që po kërkoj të mos preken pa prezencën tonë dhe po kërkoj të mos cenohet ajo provë që na jep të drejtë ta godasim në Apel procesin që është bazuar në prova të pahapura nga vetë gjykata. Gjykata ka marrë vendim pa i parë të gjitha provat vetë”, tha Ndreca.
Read more (Gjykata):Gjykata si streha e fundit e drejtësisë
Lidhur me pranimin e kërkesës së Ilir Beqajt nga GJKKO që ish-ministri të mos qëndrojë më në kafazin e xhamit, Ndreca u shpreh:
“Është një shpresë për të gjithë ata që nuk paraqesin rrezikshmëri të posaçme dhe në kuptimin e dhunës fizike për të mos qëndruar në kafaz. Është për të gjithë ata që duan ta ushtorjnë mbrojtjen në mënyrë efektive. Është element bazik i një procesi të rregullt ligjor”, teksa shtoi se do të kërkojnë çdo të drejtë kushtetuese.
Read more (erion veliaj):Rrëzohet kërkesa e Veliajt për mosmbajtjen në strukturën e xhamit, prokurori Dado: Kushtet në GJKKO shumë të mira, si hotel me 5 yje
Në seancën e kaluar shqyrtimi i ankesës u shty për shkak të parregullsive nga Drejtoria e Burgut të Durrësit, në njoftimin e Veliajt.
Sipas gjyqtares Saida Dollani, Burgjet kishin dërguar një fotokopje të shkresës që tregonte se Veliaj kishte marrë dijeni për zhvillimin e seancës, dhe jo dokumentin origjinal.
Vendimi për pezullimin u mor në dy seanca nga GjKKO, për shkak se munguan disa të pandehur të tjerë. Veliaj e konsideron të padrejtë vendimin duke argumentuar se ai ka qenë i përfaqësuar rregullisht në gjyq nga avokati i tij. Sipas tij, afatet e paraburgimit nuk mund të pezullohen për të gjithë të pandehurit.
Read more (GJKKO):Ilir Beqaj: Kafazi i sigurisë – (pa)barazia e armëve dhe (mos)mbrojtja efektive
Praktika e pezullimit të afateve të paraburgimit për të gjithë të pandehurit, për shkak të mungesës apo zvarritjes së procesit nga njëri prej tyre, po ngre debate të forta në sistemin e drejtësisë. Avokatët kërkojnë ndryshime në Kodin e Procedurës Penale, duke argumentuar se kjo qasje cenon të drejtat individuale dhe mban në qeli persona që nuk kanë asnjë përgjegjësi për vonesat. Qëndrimi në paraburgim, njehsohet me një ditë e gjysmë burg, duke patur kështu ndikim të drejtpërdrejtë më pas në përllogaritjen e vuajtjes së dënimit përfundimtar.
Veliaj ndodhet në masë arresti me burg prej 10 shkurtit 2025 dhe ndaj tij janë ngritur akuzat për korrupsion pasiv në 9 raste, pastrim parash, mosdeklarim pasurie, shpërdorim detyre dhe futja e sendeve në burg.
Read more (korrupsion):Veliaj kundër pezullimit të afateve të paraburgimit, sot seanca në Apel
Lajm në përditësim…
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
‘Kafazi është si hotel me 5 yje’/ Ndreca komenton deklaratën e Dados: Shprehje cinike dhe e papërshtatshme për një prokuror
Lidhur me shprehjen e përdorur nga prokurori Ols Dado në GJKKO se Erion Veliaj ankohet më kot për kafazin pasi është “si hotel me 5 yje”, deklaratë për të cilën iu tërhoq vëmendja në gjykatë, avokati Plarent Ndreca tha se ishte “cinike” dhe “e papërshtatshme.”
Read more (ols dado):Padia ndaj Dados/ Veliaj kërkesë Administratives për të transmetuar live seancat e gjyqit: Është detyrim për transparencë ndaj publikut
“Në proces administrativ jemi mbi legjitimimin e prokurorit, aftësinë e tij për të ushtruar pushtetin që i ka dhënë kushtetuta, në mënyrë të paautorizuar në gjykimin tonë. sa i përket sjelljes së prokurorit ne e kemi artikuluar edhe në seancë, kemi kërkuar që gjykata të reagojë. Mendoj që ishte shprehje cinike dhe krejtësisht e papërshtatshme për rolin e prokurorit”, tha Ndreca.
Ndreca ‘sakrifikon’ gjyqin e tij për Veliajn, nuk shkon në seancën në GJKKO! I caktohet avokat kryesisht
Plarent Ndreca, nuk është paraqitur në gjyqin e tij në GJKKO, ku akuzohet për shkelje me tenderët për rikonstruksionin e komisariateve gjatë kohës kur shërbeu si sekretar i përgjithshëm i Ministrisë së Brendshme. Shkak për mosparaqitjen e tij në gjyq ishte seanca në Apel për kryebashkiakun Erion Veliaj, i cili mbrohet nga Ndreca. Ky i fundit në procesin e tij gjyqësor nuk dërgoi as avokatin Ermal Yzeiraj, çka ka bërë që GJKKO t’i caktojë një avokat kryesisht dhe ta shtyjë seancën e radhës për më datë 19 prill.
