Këtë sezon turistik, pushuesit dhe qytetarët në Vlorë do të paguajnë 700 lekë për përdorimin e plazheve publike. Vendimi u miratua në mbledhjen e Këshillit Bashkiak të Vlorës, pas debatesh të forta mes anëtarëve të këshillit.
Projektvendimi mori votat e shumicës së këshilltarëve të majtë, ndërsa opozita votoi kundër. Gjatë votimit u vu re edhe një devijim nga radhët e mazhorancës, pasi një këshilltare socialiste nuk mbështeti qëndrimin e grupit dhe votoi kundër.
Read more (Vendimi):Kandidatura për kryeministër nga AAK, Gjini: Vendimi merret nga këshilli drejtues
Përfaqësuesit e Partisë Demokratike e cilësuan vendimin të paqartë dhe jo transparent për qytetarët, duke ngritur pikëpyetje mbi mënyrën e zbatimit të tarifës. Nga ana tjetër, përfaqësuesit e shumicës argumentuan se rritja e çmimit lidhet me kostot e menaxhimit dhe mirëmbajtjes së hapësirave publike bregdetare.
Read more (Projekt):Organizatat ekologjike reagojnë: Me ligjin e ri për mineralet në RMV, kompania merr leje për gërmim përpara se të blejë tokën tuaj
Debati për tarifën vjen vetëm dy javë pasi në Këshillin Bashkiak ishte miratuar propozimi i opozitës për një tarifë prej 500 lekësh. Sipas bashkisë, ky çmim nuk mbulonte kostot e shërbimit, ndaj u paraqit një kërkesë e re për ndryshimin e projektvendimit dhe rritjen e tarifës në 700 lekë.
