Një videoskandal po qarkullon në rrjet, ku një grup të burgosurish festojnë brenda në një qeli në Burgun e Durrësit. Në videon e publikuar nga gazetari Flamur Vezaj në emisionin “MaShqip”, dallohen brenda qelisë personazhe të njohur të botës së krimit, të konsideruar edhe me rrezikshmëri të lartë, si ish-kreu i bandës së Durrësit Lul Berisha, Fehmi Mziu, Islam Kasa alias Mitralozi, të cilët po festojnë në qeli me telefon, alkool e lëndë narkotike.
Në video, vihet re numri i lartë i të burgosurve që janë bërë bashkë brenda një qelie, një televizor i madh në sfond, si edhe muzikë për të kërcyer e gotat e mbushura me alkool. Lulzim Berisha dallohet në të majtë të videos, me bluzë me ngjyrë blu, i ulur në tavolinë ndërsa filmon edhe shokët e qelisë që kërcejnë dhe hidhen në “krahët e njëri-tjetrit”.
Nuk dihet se në cilën periudhë është filmuar video, por në një deklaratë zyrtare Drejtoria e Burgjeve thotë se “personat e shfaqur në video janë identifikuar dhe rezulton se një pjesë e tyre janë liruar ose transferuar përpara muajit janar 2026”.
Publikimi i kësaj video vjen në një kohë kur politikanë që ndodhen në burg, si Erion Veliaj apo Ilir Meta janë ankuar për kontrolle të befta nëpër qeli dhe shkelje të të drejtave, ndërkohë që kriminelët e akuzuar për një sërë veprash të rënda penale janë mbledhur bashkë duke festuar në qeli, madje edhe kujdesen që festën ta filmojnë me celularët që kanë në mënyrë të jashtëligjshme brenda në qeli.
Kreu i Partisë së Lirisë, Ilir Meta është ankuar disa herë për shkeljen e të drejtave ndërsa qëndron në paraburgimin e 313-ës. Shkeljet ndaj Metës janë evidentuar edhe në një raport të fundit të publikuar nga Komiteti Shqiptar i Helsinikit që flet për shkelje të të drejtave minimale e cenimit të dinjitetit njerëzor. Në raport thuhet se Metës nuk i respektohet koha e daljes në ajrim dhe i kufizohen takimet me deputetët dhe familjen.
Lajmi në përditësim….
Të burgosurit festë me muzikë e alkool brenda qelisë, reagon Drejtoria e Burgjeve: Një pjesë e personave në video janë liruar ose transferuar para janarit 2026
Drejtoria e Përgjithshme e Burgjeve ka reaguar pas videos së publikuar nga gazetari Flamur Vezaj, ku dallohen brenda një qelie personazhe të njohur të botës së krimit, të konsideruar edhe me rrezikshmëri të lartë, si ish-kreu i bandës së Durrësit Lul Berisha, Fehmi Mziu, Islam Kasa alias Mitralozi, të cilët po festojnë në qeli me telefon, alkool e lëndë narkotike.
Read more (erion veliaj):Ankimoi pezullimin e afateve të paraburgimit, Apeli i GJKKO rrëzon kërkesën e Veliajt! Ndreca: Absurde ta pësojë nga një i pandehur tjetër
Përmes një postimi në faqen zyrtare në rrjetet sociale, Drejtoria e Përgjithshme e Burgjeve njofton se një pjesë e personave të shfaqur në video janë liruar ose transferuar përpara muajit janar 2026.
Deklaratë e Drejtorisë së Përgjithshme të Burgjeve:
Në lidhje me videon e publikuar në rrjetet sociale nga gazetari Flamur Vezaj, sqarojmë si vijon:
Së pari, falënderojmë gazetarin për informacionin e bërë publik dhe inkurajojmë çdo qytetar apo gazetar të denoncojë çdo akt të paligjshëm apo shkelje që cenon sigurinë në institucionet penitenciare.
Së dyti, sqarojmë se personat e shfaqur në video janë identifikuar nga strukturat tona dhe rezulton se një pjesë e tyre janë liruar ose transferuar përpara muajit janar 2026.
Read more (Ilir Meta):Ardit Rada: Pamja e Ilir Metës, antireklama më e madhe e reformës në drejtësi
Menjëherë pas qarkullimit të videos është njoftuar Shërbimi i Kontrollit të Brendshëm në Sistemin e Burgjeve dhe kanë nisur procedurat për hetim të plotë. Hetimi përfshin të gjithë personat e identifikuar në video, si dhe verifikimin e plotë të zinxhirit komandues në IEVP Durrës, me qëllim përcaktimin e përgjegjësive në çdo nivel. Paralelisht, strukturat e IEVP Durrës vijojnë kontrollet intensive me qëllim identifikimin e plotë të përgjegjësive dhe fillimin e çështjeve penale për personat e përfshirë.
Situata aktuale nuk është ajo që paraqitet në video. Kontrollet janë intensifikuar dhe vijojnë në mënyrë të pandërprerë. Në vijim të kontrolleve të ushtruara gjatë muajit prill, gjatë ditës së sotme janë zhvilluar kontrolle të befasishme dhe të imtësishme në disa institucione.
Në IEVP Durrës janë kapur në flagrancë dhe sekuestruar 3 telefona celularë. Poseduesit e këtyre pajisjeve janë ndër personat e identifikuar në video. Ndaj tyre janë marrë masa të menjëhershme, duke u kaluar në veçim dhe duke u proceduar penalisht.
Drejtoria e Përgjithshme e Burgjeve nuk toleron asnjë shkelje. Çdo rast trajtohet me masa konkrete, përgjegjësi individuale dhe ndjekje penale.
Mesazhi është i qartë: siguria nuk negociohet. Çdo shkelje do të goditet pa kompromis dhe kontrolli në institucionet penitenciare do të vijojë të forcohet çdo ditë.
