Mijëra qytetarë në Dubai morën pasditen e sotme një alarm urgjent sigurie në telefonat e tyre celularë, duke ngritur shqetësime për një kërcënim të mundshëm me raketa.
Mesazhi, i dërguar në anglisht dhe arabisht, paralajmëronte se “për shkak të situatës aktuale, ekziston mundësia e kërcënimeve me raketa” dhe u bënte thirrje qytetarëve të kërkonin menjëherë strehim në ndërtesën më të afërt të sigurt.
Në njoftim rekomandohej gjithashtu që banorët të qëndronin larg dritareve, dyerve dhe hapësirave të hapura, si dhe të prisnin udhëzime të mëtejshme nga autoritetet kompetente.
Read more:Gjobat nga "Safe City", 38 ankesa gjatë muajit prill
Alarmi mbante firmën e Ministrisë së Brendshme të Emirateve të Bashkuara Arabe, çka i jep atij një nivel të lartë besueshmërie dhe sugjeron se bëhet fjalë për një masë parandaluese në kuadër të rritjes së gatishmërisë.
Deri tani nuk ka raportime zyrtare për ndonjë incident apo sulm konkret. Megjithatë, aktivizimi i sistemit të njoftimit masiv tregon se autoritetet e konsiderojnë rrezikun potencial si serioz.
JUST IN: 🇦🇪 Missile warning issued in Dubai, UAE for the first time in a month. pic.twitter.com/2jnlVgewQl
