World Airplay Radio Monitor ka publikuar së fundmi renditjen javore të këngëve më të dëgjuara në radio, duke sjellë edhe një herë në fokus hitet që po dominojnë transmetimet në mbarë botën në skenën dance.
Sipas listës së publikuar në “WARM – Global Dance Radio Chart”, kënga e re “New Religion” e këngëtares shqiptare me famë botërore Bebe Rexha, në bashkëpunim me Faithless, është renditur aktualisht në vendin e dytë si një nga këngët më të transmetuara të javës në radio.
Ky sukses vjen në një periudhë kur Bebe Rexha është shumë e angazhuar me promovime dhe paraqitje mediale, teksa po përgatitet për publikimin e albumit të saj të ri “Dirty Blonde”.
Read more:Italia flet për një kosovar: Bologna i nis negociatat me Dion Gallapenin
“New Religion” është kënga që udhëheq këtë projekt dhe po shihet si një prej materialeve më të forta të kësaj faze të re të artistes.
Albumi “Dirty Blonde” pritet të publikohet i plotë më 12 qershor, ndërsa do të jetë albumi i katërt në karrierën e Bebe Rexhës.
Read more:Lajmi i madh për fansat e muzikës: Kanye West vjen me koncert në Tiranë!
Me “New Religion” që po ngjitet në krye të renditjeve të transmetimeve në radio, pritshmëritë për albumin e ri janë rritur ndjeshëm, duke e pozicionuar atë si një nga publikimet më të komentuara të sezonit. /Telegrafi/
– YouTube youtu.be
