“Kanë prova që mund ta çojnë në burg”/ Bardhi: Ergys Agasi dhe Belinda Balluku mbajnë peng Edi Ramën

Kryetari i Grupit Parlamentar të Partisë Demokratike, Gazment Bardhi, ka reaguar lidhur me arrestimin e Ergys Agasit dhe rolin që ka pasur si ndërmjetës i Kryeministrit me krimin e organizuar.

Bardhi e vendos Agasin përballë Belinda Ballukut, duke argumentuar se, pavarësisht rivaliteteve për pushtet, të dy mbajnë peng kreun e qeverisë me prova qe jo vetëm e rrëzojnë nga pushteti por edhe e arrestojnë atë.

Postimi i plotë:

Edhe pse rivalë për pushtet tek Edi Rama, Ergys Agasi nuk ndryshon nga Belinda Balluku. Janë dy njerëzit që mbajnë peng Kryeministrin e vendit me prova që mund t’i japin fund jo vetëm pushtetit, por edhe lirisë së tij.

Read more:Pagat e gjyqtarëve/ Bardhi: Moszbatimi i vendimeve të Kushtetueses rrezikon shtetin e së drejtës, Kuvendi të ndërhyjë menjëherë

Për 4–5 vitet e fundit, Ergys Agasi ishte zëvendëskryeministri i paemëruar i Edi Ramës: njeriu në hije që ushtronte pushtetin si koordinator i tij me krimin e organizuar. Siç tregojnë dosjet e SPAK-ut, për 4–5 vite në këtë rol, Agasi pa, dëgjoi dhe regjistroi aq shumë nga pushteti i Edi Ramës, sa sot di për të, ndoshta, më shumë se kushdo tjetër.

Arrestimi i tij, 8 muaj pas shpalljes në kërkim, në vendin ku të gjithë e dinin se qëndronte, është thjesht i vonuar dhe i mirëpritur.

Read more:Arrestimi i Ergys Agasit, Balliu: Ndalimi i tij, i pavlerë pa thirrur Ramën

Por në 14 vite kemi parë ergysët dhe belindat t’i zënë vendin njëri-tjetrit. Të ngrihen, të fuqizohen dhe pastaj të bien sipas nevojave të pushtetit të Edi Ramës.

Prandaj, një Ergys më shumë në burg nuk ndryshon asgjë, nëse burimi i pushtetit të tij për të vepruar si grup i strukturuar kriminal, për të përcaktuar vlerat e tenderave publikë, për të korruptuar zyrtarë, për të eliminuar konkurrencën me dhunë dhe për të pastruar paratë e krimit vazhdon të jetë në krye të qeverisë.

Read more:“Caktoi koordinatorë për të frenuar zgjerimin e partive të vogla, SPAK t’i trokasë në derë!”/ Erald Kapri: Protestat s’do të ndalen deri në rrëzimin e Ramës, dorëheqja do të jetë e shpejtë

SPAK ka detyrimin që çështjen e Ergys Agasit ta trajtojë si një çështje me interes kombëtar dhe, përmes veprimtarisë së tij kriminale, të zbardhë mënyrën se si Edi Rama ka ushtruar pushtetin. Sa nga pasuria publike ka kontrolluar Ergys Agasi? Deri ku ka depërtuar pushteti i tij në shtet, drejtësi dhe media? Dhe a është Edi Rama në regjistrimet e sekuestruara nga SPAK?