Kandidati për kryeministër nga Lëvizja Vetëvendosje, Albin Kurti, ka prezantuar sot një prurje të re në listën e partisë për deputetë.
Kurti ka bërë të ditur se Krenare Çerkini i bashkohet Lëvizjes Vetëvendosje dhe do të jetë pjesë e listës së kandidatëve për Kuvendin e Kosovës në legjislaturën e 11-të.
Sipas Kurtit, Çerkini vjen nga Ferizaj dhe përfaqëson një profil të ri lidershipi, duke e përshkruar atë si kombinim të shkëlqimit akademik, angazhimit publik dhe përkushtimit ndaj arsimit dhe rinisë.
Read more:Kryeziu-Hyseni: OKB konfirmon diskriminimin e shqiptarëve në Luginën e Preshevës
Ai theksoi se ajo ka përfunduar paralelisht dy studime bachelor dhe dy programe masteri me sukses të lartë, ndërsa aktualisht po vijon studimet e doktoratës në Bruksel.
Po ashtu, ajo ka përvojë si pedagoge universitare dhe ka marrë pjesë në iniciativa ndërkombëtare në fushën e arsimit dhe rinisë.
Read more:Përplasje e pazakontë Bahtiri–Lushaku në Kuvend: “Bjeri nënshkrimet…”
“Jam i lumtur që nga sot bëhet pjesë e subjektit tonë fitues për deputete në legjislaturën e 11-të. Mirë se vjen, Krenare!”, ka deklaruar Kurti.
