Departamenti Amerikan i Shtetit ka njoftuar një shpërblim deri në 15 milionë dollarë për informacion mbi dërgesat e naftës të lidhura me Gardën Revolucionare Iraniane dhe rrjetet që lehtësojnë aktivitetet e tyre.
Shtetet e Bashkuara e kanë akuzuar prej kohësh Teheranin për përdorimin e rrjeteve ndërkombëtare të transportit dhe ndërmjetësimit për të anashkaluar sanksionet ekonomike dhe për të financuar aktivitete ushtarake dhe grupe aleate në rajon.
Presidenti i SHBA-së Donald Trump ndodhet sot në Kinë i shoqëruar nga Sekretari i Shtetit Marco Rubio ku do të takohet me presidentit të Kinës Xi Jinping për të diktuar mbi konfliktin në Ukrainë, Lindjen e Mesme si dhe për arritjen një marrëveshje të qëndrueshme tregtare mes dy vendeve.
Read more:Një rrjet rafinerish kineze të naftës po financon Iranin
Trump, siguroi se nuk ka nevojë për ndihmën e NATO-s në përballjen me Iranin, sepse Uashingtoni tashmë e ka mposhtur ushtarakisht Republikën Islamike. “Isha thellësisht i zhgënjyer nga NATO-ja, e cila nuk ishte aty kur ne kishim nevojë për të. Ne nuk kemi nevojë për NATO-n, por nëse kishim nevojë për të, ata thjesht nuk ishin aty“, u tha ai gazetarëve përpara se të nisej për në Pekin.
Gjithashtu Trump tha se “nuk kemi nevojë as për ndihmën e Kinës” për përfundimin e luftës me Iranin.
Read more:Gjysmë milioni porosi për “telefonin e artë” të Trumpit, pajisja nuk është dorëzuar kurrë
“Do t’i kërkoj Presidentit Xi, një udhëheqësi me kalibër të jashtëzakonshëm, ta “hapë” Kinën në mënyrë që këta njerëz të shkëlqyer të mund të bëjnë magjinë e tyre dhe të ndihmojnë në ngritjen e Republikës Popullore në një nivel edhe më të lartë!” shkroi Trump.
Trump, ka sulmuar edhe një herë median në lidhje me luftën kundër Iranit. “Kur lajmet e rreme pretendojnë se armiku iranian po fiton epërsi, ushtarakisht, kundër nesh, ky është një akt TRADHTIE virtuale, duke pasur parasysh gënjeshtrën e plotë – dhe madje absurditetin – e një pretendimi të tillë”, shkroi Trump në rrjete sociale.
Read more:Kina nuk fal korrupsionin në ushtri, dy ish-ministrat e mbrojtjes dënohen me vdekje
Lajmi në përditësim…
Trump shkon në Pekin/ Mediat: Supertankeri kinez po kalon Ngushticën e Hormuzit
Një supertanker kinez duket se po del nga Gjiri Persik, në një përpjekje të rrallë për të kaluar Ngushticën e Hormuzit, pak para bisedimeve midis Presidentit të SHBA-së Donald Trump dhe Xi Jinping. Lajmi u raportua nga Bloomberg. Supertankeri Yuan Hua Hu u pa këtë mëngjes duke lundruar në ngushticë, duke kaluar ishullin iranian Larak në anën lindore të ngushticës dhe duke u drejtuar drejt jugut, sipas të dhënave të gjurmimit të anijeve. Anija është në pronësi dhe operohet nga njësi të kompanisë kineze Cosco Shipping, sipas bazës së të dhënave detare Equasis.
Marco Rubio në Kinë me Trump, pozon në bordin e ‘Air Force One’ i veshur me kostumin ‘Nike’ të Nicolas Maduro
Nicolas Maduro dhe Marco Rubio
Sekretari i Shtetit i SHBA-së, Marco Rubio, pozoi për një fotografi në bordin e Air Force One, gjatë rrugës për në Kinë, i veshur me kostumin Nike Tech, tashmë i njohur si ai i ish-presidentit venezuelian Nicolas Maduro. Ky i fundit e kishte veshur kostumin gri gjatë shoqërimit për në burgun federal në SHBA më 3 janar pasi u arrestua në Karakas.
“Sekretari Rubio vesh tutat e Nike Tech ‘Venezuela’ në Air Force One!”, shkroi Drejtori i Komunikimit i Shtëpisë së Bardhë, Steve Cheung, në llogarinë e tij X, duke postuar një foto të Rubios të mbështetur në njërën nga dyert e aeroplanit presidencial. Fotografia u bë shpejt virale në mediat sociale dhe u shpërnda kryesisht nga aktivistë republikanë dhe zyrtarë të Shtëpisë së Bardhë.
