U mbajt sot seanca e dosjes “Partizani”.
Gazetarja e Top Channel Anila Hoxha e cila ndjek nga afër zhvillimet, bën me dije se Gjykata gjatë apelit të palëve konstaton se mungon së sallë Fatmir Bektashi dhe avokati i tij Sokol Hazizaj.
Sa më sipër, SPAK kërkoi shtyrje të seancës derisa të njoftohet dhe njëherë avokati dhe i pandehuri Bektashi.
Nga ana tjetër, në këtë senacë si dëshmitar për dosjen, është paraqitur edhe ish-ministri Ylli Pango dhe Violeta Shevia.
Gjykata tha se seanca e radhës do të mbahet më 8 qershor, por Pango u shpreh se e ka të pamundur të marrë pjesë në këtë datë pasi ka angazhime të paracaktuara.
Gjykata ka pyetur SPAK sesi procedohet në këto raste, ku Prokuroria tha që të thirren për seancën e ardhshme pesë dëshmitarë, mes tyre Paro Laci dhe Genc Ruli.
