Një 38-vjeçar nga Lushnja ka rënë në prangat e Policisë së Fierit, pasi u kap duke drejtuar automjetin nën efektin e alkoolit dhe duke shpërndarë doza kokaine.
Gjatë kontrolleve në automjetin dhe banesën e tij, uniformat blu sekuestruan 33 doza të lëndës narkotike, të dyshuara të gatshme për shitje, si dhe sende të tjera që shërbenin për aktivitetin e paligjshëm. Përveç arrestimit, 38-vjeçari u ndëshkua edhe me 55 mijë lekë gjobë për shkelje të rregullave të qarkullimit rrugor.
“Fier, shpërndante lëndë narkotike Kokainë, dhe drejtonte automjetin në efektin e alkoolit, lokalizohet dhe vihet në pranga 38-vjeçari.
Read more:Gjarpri ‘gjigant’ tmerron qytetarët në Fier, zvarraniku ‘xhiro’ nëpër qytet
Gjithashtu, ai ndëshkohet me 55 000 lekë gjobë, për shkeljet rrugore të kryera. Në automjetin dhe në banesën e tij u gjetën 33 doza Kokaine, gati për shitje. Dozat u sekuestruan bashkë me automjetin, 1 peshore elektronike dhe 4 celularë.
Gjatë monitorimeve të kryera në të gjithë territorin e qarkut, me objektiv konstatimin e shtetasve që kryejnë manovra të dyshimta dhe të rrezikshme, me mjetet që drejtojnë, nga shërbimet e Policisë Rrugore u ndalua për verifikim, në aksin rrugor “Fiershegan-Krutje”, automjeti me drejtues shtetasin E. K., 38 vjeç, banues në Lushnjë.
Nga testi i bërë rezultoi se 38-vjeçari e drejtonte automjetin, në efektin e alkoolit, dhe nga verifikimet e mëtejshme rezultoi se nuk e kishte pajisur automjetin, me siguracion. Për të dyja shkeljet u ndëshkua me masa administrative, në total 55 000 lekë gjobë.
Më tej, iu kryen kontrolle në automjet dhe në banesë, ku iu gjetën në total 33 doza lënde të dyshuar narkotike Kokainë, dhe 1 peshore elektronike.
Në përfundim të veprimeve procedurale të kryera në kuadër të operacionit të koduar “Penalitetet”, specialistët e Sektorit për Hetimin e Narkotikëve arrestuan shtetasin E. K., për veprën penale “Prodhimi dhe shitja e narkotikëve”. Materialet procedurale iu referuan Prokurorisë së Fierit për veprime të mëtejshme”, shkruan Policia e Fierit.
