Një gjarpër me përmasa të mëdha është shfaqur mesditën e sotme në qendër të Fier, duke shkaktuar panik tek qytetarët.
Zvarraniku është konstatuar në trotuar pranë zonës së lumit, ndërsa dyshohet se ka dalë nga bregu i lumit që ndodhet shumë afër qendrës së qytetit, raporto korrespondenti i Top Channel Neritan Trifoni.
Banorët që e kanë parë thonë se bëhet fjalë për një lloj gjarpri jo agresiv, megjithatë prania e tij në një zonë kaq të frekuentuar ka shqetësuar qytetarët.
Read more:E rëndë në Fier/ 68-vjeçari gjendet i pajetë pranë rrugës, policia: Dyshohet për shkaqe natyrale
Ata kërkojnë më shumë kujdes nga institucionet përgjegjëse, pasi sheshi qendror gjatë pasditeve frekuentohet nga shumë fëmijë dhe të rritur.
Fatmirësisht nuk raportohet për persona të lënduar, ndërsa kalimtarët janë larguar të frikësuar deri në largimin e zvarranikut nga zona.
