Thirrjet e protestuesve kanë vijuar të jehojnë edhe mbrëmjen e sotme përpara godinës së Kryeministrisë, ku qindra qytetarë janë mbledhur në kuadër të protestës së 58-të kundër qeverisë.
“Shqipëria kërkon revolucion!” ishte një nga sloganet më të forta të dëgjuara gjatë tubimit, ndërsa protestuesit brohoritën në kor edhe: “Nesër më shumë!”, duke paralajmëruar vijimin e protestës dhe nesër. Pjesëmarrësit kanë kërkuar dorëheqjen e kryeministrit Edi Rama.
Protesta vijon me thirrje dhe slogane kundër qeverisë, ndërsa organizatorët kanë bërë apel për pjesëmarrje edhe më të madhe në tubimet e ardhshme.
