Një aksident i rëndë me pasojë vdekjen ka ndodhur pasditen e sotme në Ksamil.
Burime për Report Tv bëjnë me dije se një furgon mallrash, i cili drejtohej nga Antonio Mateli, rreth 20 vjeç, banues në Ksamil, ka dalë nga rruga dhe është përplasur.
I riu ka mbetur i plagosur rëndë dhe është transportuar me urgjencë drejt spitalit, por fatkeqësisht nuk ka mundur t’u mbijetojë plagëve të marra, duke humbur jetën gjatë rrugës.
Read more:Makina përplas karrocën me një fëmijë 1 vjeç e gjysmë në Korçë, i mituri dërgohet në spital
Ngjarja ka ndodhur rreth një orë më parë, ndërsa në vendin e aksidentit kanë mbërritur forcat e Policisë.
Ende nuk dihen rrethanat dhe shkaqet e aksidentit, ndërkohë Policia po kryen veprimet hetimore për të zbardhur dinamikën e plotë të ngjarjes.




