Në protestën e 77-të kundër qeverisë së Edi Ramës, aktivisti Mirjan Aliaj u shpreh se pjesëmarrja në protestë po rritet nga dita në ditë dhe se lëvizja do të vijojë deri në largimin e qeverisë.
Ai e cilësoi si të jashtëzakonshme praninë e protestuesve në Bulevardin e Tiranës për 77 ditë radhazi, duke theksuar se në protestën e sotme janë bashkuar edhe qytetarë nga Divjaka.
Aktivisti deklaroi gjithashtu se kërkesat e protestuesve shkojnë përtej dorëheqjes së kryeministrit, duke kërkuar edhe ndjekjen penale dhe burgosjen e Edi Ramës dhe Sali Berishës.
“Sot jemi më shumë se dje. Dje ishim më shumë se pardje dhe do jemi më shumë derisa Edi Rama dhe qeveria e tij të largohet. Është e jashtëzakonshme ta shohësh këtë Bulevard kaq plot për 77 ditë në Tiranë. Kemi edhe Divjakën që ka ardhur sot në Tiranë. Rama në burg Berisha në burg. Çdo ditë që ne qëndrojmë fundi i Edi Ramës është me afër. Shtylla e dytë e kësaj proteste pas dorëheqjes së Ramës është Rama në burg Berisha në burg”, tha ai.
