20 vatra zjarri janë raportuar gjatë 24 orëve të fundit, nga të cilat 9 mbeten aktive dhe 1 në monitorim, njoftoi sot Ministria e Mbrojtjes.
Problematike edhe këtë të premte mbetet vatra e zjarrit në Gojan–Gjegjan, Pukë për shkak të erës së fortë dhe terrenit të thyer. Forcat ndodhen në terren dhe po momnitorojnë zjarrin. Disa banorë janë evakuuar nga banesat për shkak të rrezikut. Operacioni është mbështetur edhe nga 40 efektivë dhe 3 helikopterë të Forcave të Armatosura.
Mal Milot, Kurbin – Vatra vijon aktive, por nuk ka rrezik për banesat. Në terren janë forca zjarrfikëse, ushtarake dhe bashkiake, ndërsa është kërkuar përforcim me forca dhe mjete të Forcave të Armatosura.
Në zonën e Dajtit, Tiranë ka riaktivizim të vatrës, por nuk ka rrezik për zonat e banuara. Në operacion janë angazhuar forcat zjarrfikëse dhe ato të armatosura. Në zonë ndodhet edhe 1 helikopter.
Dukat, Vlorë –Zjarri në zonën e Shatës është zgjeruar gjatë natës në drejtim të malit. Në terren operojnë forcat vendore dhe 40 efektivë të FA-së; aktualisht nuk rrezikohen banesa. Po ashtu 2 avionë ‘Air Tractor’ po punojnë për shuarjen e flakëve.
Ballaxhiaj, Memaliaj – Zjarri është nën kontroll dhe larg banesave, pas angazhimit të forcave zjarrfikëse, policisë dhe vullnetarëve disa banorë janë evakuuar.
Vatra të tjera aktive raportohen në Kalivaç, Shtuf, Gjorm të Sipërm dhe Hotolisht, ndërsa vatra në Lufaj, Mirditë, është nën kontroll dhe monitorim.
Në operacionet për menaxhimin e situatës janë angazhuar 235 forca operacionale dhe 33 automjete zjarrfikëse, të mbështetura nga 140 efektivë të Forcave të Armatosura, 3 helikopterë dhe 2 avionë Air Tractor.
Lajm në përditësim…
Pukë/ Përmirësohet situata në zonën pyjore, vatra problematike mbetet ajo në Gojan (VIDEO)
Zjarri në zonën e pyllëzuar të Pukës është përmirësuar për shkak të qetësimit të erës.
Ndërkohë problematike mbetet vatra në në fshatin Gojan i vogel njesia administrative Gjegjan dhe Prozhem njësia administrative Rrapë.
Të angazhuar janë 40 forca zjarrfikese nga Puka e Fushë-Arrëzi, 40 punonjës te bashkisë, 6 punonjës të shërbimit pyjorë si dhe banorë të Gojanit të Vogël.
