Një 61-vjeçar në Krujë ka rënë në prangat e policisë për armëmbajtje pa leje.
Në një magazinë brenda rrethimit të banesës së Shaban Muratit blutë gjetën 1 armë zjarri (pistoletë), së bashku me krëhër me municion.
Arma dhe municioni luftarak u sekuestruan si provë materiale.
“Në vijim të operacioneve për identifikimin, kapjen dhe arrestimin e shtetasve që posedojnë pa leje armë zjarri dhe, për pasojë, cenojnë sigurinë e qytetarëve, shërbimet e Komisariatit të Policisë Krujë, në kuadër të operacionit policor të koduar “Fokusi”, arrestuan në flagrancë shtetasin Sh. M., 61 vjeç, banues në fshatin Abaze, Krujë.
Gjatë kontrolleve, në një magazinë brenda rrethimit të banesës së tij, u gjet 1 armë zjarri (pistoletë), së bashku me krëhër me municion, të cilat u sekuestruan në cilësinë e provës materiale”, njoftoi sot policia.
Read more:U kapën me kallash dhe kokainë, arrestohen babë e bir në Lushnjë (EMRAT+VIDEO)
Materialet procedurale iu referuan Prokurorisë, për veprime të mëtejshme.
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
