“Vëllezërit në Dardani ta bojkotojnë bashkë me Ballën”/ Arben Kola: Ramës s’i mjaftoi shkatërrimi dhe shitja e Shqipërisë, por donte të shkatërronte edhe Dardaninë

Aktivisti Arben Kola ka mbajtur fjalën e tij në protestën e 109-të kundër kryeministrit Edi Rama, duke kritikuar qëndrimet e qeverisë ndaj Kosovës dhe duke bërë thirrje për bashkim kombëtar.

Kola akuzoi Ramën se, sipas tij, ka dëmtuar interesat e Shqipërisë dhe se ka ndërhyrë edhe në çështjet që lidhen me Kosovën.

Read more:“Rama dhe Belinda në burg”/ Dita e 109-të e protestës, qytetarët rikthehen në shesh, paralajmërohet marshim drejt Parlamentit

Aktivisti u bëri thirrje shqiptarëve në Kosovë që të mos mbështesin Ramën dhe kritikoi edhe Taulant Ballën.

Në vijim të fjalës së tij, ai bëri thirrje për forcimin e lidhjeve mes shqiptarëve dhe për bashkim kombëtar.

Read more:“Mërgata të na bashkohet, nesër do të jetë vonë”, Arben Kola njoftim të rëndësishëm: Nga nesër mbledhja në sheshin “Skënderbej” nis në orën 18:30

“Rama që ka marrë peng Shqipërinë, nuk i mjaftojë shkatërrimi dhe shitja e Shqipërisë por donte të shkatërrojë edhe Dardaninë. I ftoj të gjithë motrat në Dardani të bojkotojnë Ramën, Taulant Ballën me lotët e krokodilit. Janë antishqiptarë. Shqiptarë të Dardanisë jini krenarë për luftë e UCK, mos u mashtroni nga Rama. Aleati më i madh që keni janë shqiptarët e mirë dhe është koha për bashkim kombëtar. Të mendojmë sa më shpejt për bashkim kombëtar”, tha ai.