Sekretari i Përgjithshëm i PD-së Flamur Noka, në fjalën e tij në parlament foli për vendimin e Gjykatës Speciale, që dënoi me 81 vite burg në total ish-krerët e UÇK-së.
Noka u shpreh se në vitin 2016, Sali Berisha i doli kundër Speciales dhe tha se do dëmtojë Kosovën. Ai tha se Rama mban përgjegjësi për ngritjen e Gjykatës Speciale.
Read more:VIDEOLAJM/ “Po luajnë poker me Shqipërinë”, ironia therëse e studentëve në protestën kundër Ramës
Noka kujtoi se më 2016, Rama i hipi helikopterit dhe shkoi në Prishtinë, ku i bëri presion lidershipit në Kosovë që të votojë Specialen. Sipas tij, duhet të pyetet Rama se për interesa të kujt bëri presion mbi parlamentarët e Kosovës.
Flamur Noka:Dje ka qenë një ditë e zezë për shqiptarinë. A e mbani mend në 2016 këtu në parlament, ku Sali Berisha paralajmëronte se pazari Rama-Vuçiç ishte ai që do ngrinte Gjykatën Speciale dhe se Specialja do ishte thikë pas shpine për Kosovën dhe kështu rezultoi. Ju qani me lot krokodili. Kush e detyroi Ramën të shkojë në Prishtinë me helikopter dhe të bëjë presion që të votohej Specialja?
Për interesat e kujt shantazhoi Edi Rama? Berisha e tha se është antikombëtar votimi i Speciales. Sot, Edi Rama duhet të japë llogari, se për interesa të kujt i bëri presion lidershipit në Kosovë për të votuar. E bëri veç për interesa të Serbisë dhe të Rusisë. Marre është kur i thua vëlla Vuçiçit dhe i fut thikë pas shpine Kosovës dhe bashkëpunon me Roni Yeffet.
