Një automjet është përfshirë nga flakët gjatë orëve të natës në qytetin e Kukësit. Sipas njoftimit zyrtar të Policisë, ngjarja ka ndodhur në orët e para të mëngjesit të së martës, në lagjen nr. 5. Një automjet tip “Benz”, në pronësi të një qytetari Rr.P banues në Kukës, është përfshirë nga zjarri në rrethana ende të paqarta.
Flakët kanë shkaktuar djegien e plotë të mjetit, ndërsa janë dëmtuar pjesërisht edhe dy automjete të tjera të parkuara pranë tij. Fatmirësisht, nuk raportohet për persona të lënduar, ndërsa dëmet janë vetëm materiale. Grupi hetimor dhe ekspertët zjarrfikës ishte në vendngjarje dhe po punojnë për të zbardhur shkaqet e rënies së zjarrit. Paraprakisht nuk përjashtohet asnjë pistë, ndërsa pritet që hetimet të përcaktojnë nëse bëhet fjalë për një defekt teknik apo një zjarrvënie të qëllimshme.
“Njoftimi I DVP. Kukës/Informacion paraprak
Në orët e para të mëngjesit, në lagjen nr. 5, ka rënë zjarr në automjetin tip “Benz”, në pronësi të shtetasit Rr. P., banues në Kukës. Si pasojë është djegur plotësisht ky automjet dhe pjesërisht dy automjete të tjera të parkuara afër tij. Grupi hetimor vijon punën për përcaktimin e shkakut të djegies së automjeteve”, thuhet në njoftimin e policisë.
