Një gjeneral rus i njohur si “Kasapi i Buchës” është bërë objekt i një sulmi me bombë në një garnizon ushtarak në rajonin e Khabarovskut, në lindje të largët të Rusisë.
Sipas raportimeve, shpërthimi ndodhi në fshatin Knyaz-Volkonskoe-1 dhe ka shkaktuar viktima dhe të plagosur.
Sipas burimeve lokale, nga shpërthimi ka humbur jetën një nënkolonel rus, ndërsa disa persona të tjerë janë plagosur. Fillimisht u raportua se objektiv i sulmit mund të ketë qenë gjeneral-majori Azatbek Omurbekov, një komandant i lartë ushtarak rus.
Read more (Ukraina):Kryeministri i ri i Hungarisë, ofron takim me presidentin e Ukrainës në qershor
Omurbekov është një figurë e njohur ndërkombëtarisht pasi Ukraina e ka shpallur në kërkim për krime lufte, lidhur me ngjarjet në qytetin Bucha gjatë pushtimit rus të vitit 2022. Ai akuzohet se ka komanduar njësi të përfshira në vrasje dhe abuzime ndaj civilëve ukrainas, raporton gazeta britanike Metro.
Autoritetet ruse e kanë trajtuar incidentin si sekret dhe kanë vendosur bllokim informacioni, duke mos dhënë detaje zyrtare mbi shpërthimin apo gjendjen e mundshme të Omurbekovit. Megjithatë, disa burime lokale pretendojnë se ai ka shpëtuar me lëndime të lehta.
Read more (Krime lufte):Serbia liron ish-ushtarin e UÇK-së, Mit’hat Llozani
Sipas raportimeve, shpërthimi ka ndodhur në një objekt ushtarak ku ndodheshin trupa dhe personel trajnues. Viktima e konfirmuar është një oficer i lartë, ndërsa disa të tjerë janë vënë në gatishmëri pas incidentit.
Ngjarja vjen në një kohë tensionesh të larta lidhur me luftën në Ukrainë dhe akuzat e vazhdueshme për krime lufte ndaj disa komandantëve rusë. Hetimet për shpërthimin po vazhdojnë, ndërsa autoritetet nuk kanë dhënë ende një version zyrtar për shkaqet e tij. /Telegrafi/
