Chelsea po vazhdon të kërkojë përforcime në mbrojtje dhe në listën e objektivave të verës ka hyrë edhe qendërmbrojtësi i Manchester Cityt, Abdukodir Khusanov.
Sipas gazetarit Aaron Ramiro, “Blutë” tashmë kanë vendosur kontakt me përfaqësuesit e 22-vjeçarit, duke diskutuar mundësinë e një transferimi gjatë afatit kalimtar të verës.
Raportimi shton se reprezentuesi i Uzbekistanit është një nga disa opsione që Chelsea po i shqyrton për ta forcuar repartin defensiv, teksa klubi londinez synon të rrisë konkurrencën dhe cilësinë në prapavijë.
Read more (Chelsea):Dikur flinte në makinë para stërvitjeve, sot vlen 140 milionë euro – historia e jashtëzakonshme e Olises
Khusanov iu bashkua Manchester Cityt në janar të vitit 2025, pas një transferimi nga Lens, i cili i kushtoi kampionit anglez rreth 40 milionë euro.
Në sezonin aktual 2025/26 të Ligës Premier, mbrojtësi ka zhvilluar 18 paraqitje, duke grumbulluar 1,159 minuta në fushë dhe duke e konfirmuar veten si një talent në rritje në futbollin anglez./Telegrafi/
