Është vetëm 24-vjeç, por mund të krahasohet me legjendat e botës së tenisit. Yannik Sinner është berë këtë të dielë sportisti i parë i kësaj disipline që fiton 5 finale masters 1000.
Një rezultat që nuk është arritur as nga legjenda të botës së tenisit si Roger Federer, Novak Djokoviç apo Rafael Nadal.
Numri 1 në botë aktual fitoi 2-0 me sete kundër gjermanit Alexander Zverev, në një finale të dominuar plotësisht nga italiani. Seti i parë përfundoi 6-1 dhe i dyti 6-2. Për Sinner kjo ishte finalja e parë e arritur në Madrid në fushën e tenisit me dhe, ndërsa Zverev ia kishte dalë të triumfonte në dy raste më herët.
Pas fitores së finales Yannik Sinner u shpreh se “Zverev nuk ishte në ditën e tij më të mirë sot”, ndërsa shtoi se për t’ia arritur deri këtu “i është dashur shumë punë”. Sinner shtoi se këto rezultate kanë shumë rëndësi për të dhe e kanë bërë të ndjehet shumë i lumtur.
