Aeroporti Ndërkombëtar i Prishtinës “Adem Jashari”, ka njoftuar udhëtarët për ndryshime të përkohshme në organizimin e hyrje/daljeve të terminalit, për shkak të punimeve që po zhvillohen në infrastrukturë.
Sipas njoftimit zyrtar, më 06.05.2026 hyrjet dhe daljet e reja të nisjeve dhe arritjeve do të jenë të mbyllura përkohësisht vetëm për një ditë, në kuadër të punimeve teknike.
Read more:Tre të vdekur, momenti kur një aeroplan i vogël u rrëzua dhe u përplasë në një ndërtesë në Brazil
Gjatë kësaj periudhe, udhëtarët për të gjitha fluturimet janë udhëzuar të përdorin hyrjen e vjetër të terminalit (Departures), ndërsa operimet do të kthehen në normalitet nga data 07.05.2026.
“Ju lutemi që për një ditë të përdorni hyrjen e vjetër të Nisjeve për të gjitha fluturimet. Kërkojmë mirëkuptimin tuaj për çdo shqetësim”, thuhet në njoftim.
Read more:Mashtrimet dhe keqpërdorimet e llogarive bankare, policia apelon për kujdes
Nga aeroporti është bërë e ditur se ndryshimet janë të përkohshme dhe lidhen vetëm me punimet në zhvillim, ndërsa pas përfundimit të tyre, shërbimet do të vazhdojnë normalisht në hyrje/daljet e reja të terminalit. /Telegrafi/
