Komisioni Qendror i Zgjedhjeve tashmë po vazhdon me zbatimin e planit dhe aktiviteteve për zgjedhjet e parakohshme që do të mbahen më 7 qershor.
Referuar Planit të KQZ sot fillon periudha e akreditimit të vëzhguesve të subjekteve politike.
Po ashtu sot fillon periudha e akreditimit edhe për vëzhguesit e organizatave dhe të mediave.
Read more:Zyrtare: Zgjedhjet e parakohshme mbahen me 7 qershor
Afati nis sot dhe do të përfundojë më 30 maj. Në dispozicion për akreditim do të jenë 26 ditë.
Ndërkaq, të gjitha partitë politike që aktualisht janë të regjistruara në Kosovë, janë obliguar nga Komisioni Qendror i Zgjedhjeve që ta njoftojnë këtë institucion për pjesëmarrje apo mospjesëmarrje në zgjedhjet e parakohshme për Kuvendin e Kosovës, të cilat do të mbahen më 7 qershor 2026.
Read more:Në koalicion apo të vetme, partitë kanë afat deri më 7 maj të njoftojnë KQZ-në
Deri më 7 maj, partitë politike janë të obliguara që ta njoftojnë KQZ-në në rast se duan të marrin pjesë në këto zgjedhje përmes koalicionit.
Ndryshe, Komisioni Qendror i Zgjedhjeve ka bërë të ditur se fushata zgjedhore pritet të nisë më 28 maj, ndërsa kostoja e përgjithshme e organizimit të zgjedhjeve kap vlerën prej 10.8 milionë euro. /Telegrafi/
