Kurti thirrje mërgatës për regjistrim dhe pjesëmarrje në votime

Kryeministri në detyrë i Kosovës, Albin Kurti, u ka bërë thirrje bashkatdhetarëve që jetojnë jashtë vendit të regjistrohen për votim dhe të marrin pjesë në procesin e ardhshëm zgjedhor.

Përmes një video postimi në një mesazh drejtuar mërgatës, Kurti theksoi se qytetarët e Kosovës, brenda dhe jashtë vendit, kanë shprehur qartë vullnetin e tyre në proceset e fundit zgjedhore, duke përmendur datat 9 shkurt 2025 dhe 28 dhjetor si momente kyçe të shprehjes së këtij vullneti.

Read more:Detyra jote është e thjeshtë, por sfiduese – duhet të gjesh se cila vazo do të thyhet

Sipas tij, pavarësisht rezultateve bindëse, vendi është përballur me bllokada politike që kanë penguar formimin e institucioneve.

“Të dashur mërgimtar, populli i Kosovës brenda dhe jashtë vendit foli qartë më 28 dhjetor. Madje më qartë si asnjëherë më parë në Kosovën e pasluftës. Ky zë i qartë i juaji erdhi pas 10 muajsh bllokade për të pamundësuar krijimin e Qeverisë të udhëhequr nga LVV. Fitorja e 9 shkurtit 2025 ishte bindëse. Të vetmen përgjigje ndaj votës qytetare opozita e kishte bllokadën. Fitorja e 28 dhjetori ishte më bindëse. Sërish mendësinë e njëjtë opozita: bllokadën. Provuam gjithcka. Ishim të vetmit që propozonim zgjidhje me seri ofertash që vendi që mos shkonte në zgjedhje. Nga e gjithë kjo kuptohet një gjë: këta në thelb nuk e respektojnë rezultatin zgjedhor. Realisht këta po thonë se: qytetarët votojnë, por ne me matematikat tona do ta prishim vullnetin e tyre të shprehur”, ka thënë Kurti.

Read more:Kurti takon Kallas: Kosova, e përkushtuar për ecurinë e procesit të anëtarësimit në BE

Duke e cilësuar procesin zgjedhor si shumë të rëndësishëm, ai njoftoi se periudha për regjistrimin e votuesve nga jashtë vendit do të zgjasë nga 6 deri më 17 maj.

Kurti u bëri thirrje të gjithë atyre që nuk mund të jenë fizikisht në Kosovë gjatë votimit që të regjistrohen sa më parë.

Read more:Hyn në fuqi marrëveshja Shqipëri-Kosovë, nga sot qytetarët do të mund të lëvizin pa kontrolle kufitare

“Të dashur bashkatdhetarë, ata që mendojnë se do ta lodhin popullin do të lodhen vet. E ne që jemi në rrugë të drejtë nuk do të ndalemi asnjëherë së punuari për të mirën e përbashkët dhe interesin publik. Ky proces zgjedhor është shumë i rëndësishëm. Ftoni familjarët miqtë e dashamirët të bëhen pjesë e vendimmarrjes fillimisht duke u regjistruar për votim, pastaj edhe për të votuar”, ka thënë Kurti. /Telegrafi/