Khvicha Kvaratskhelia ka hyrë në histori të Ligës së Kampionëve, duke u bërë lojtari i parë që arrin të shënojë ose asistojë në shtatë ndeshje radhazi në fazën eliminatore të kompeticionit.
Seria e jashtëzakonshme u zgjat edhe sonte ndaj Bayern Munich, ku gjeorgjiani regjistroi asistimin për golin e Ousmane Dembélé, duke vazhduar kështu formën e tij vendimtare në ndeshjet më të mëdha.
Ky rekord e vendos Kvaratskhelian në një nivel të rrallë në statistikat e UEFA-s dhe tregon sa i rëndësishëm është bërë ai për PSG-në në skenën më të madhe evropiane. Këso shifra nuk kishin as Lionel Messi dhe Cristiano Ronaldo.
Read more:Formacionet zyrtare, Bayern Munich-PSG: Kompany dhe Enrique me më të mirët në fushë
Vetëm në këtë edicion të Ligës së Kampionëve, ai numëron 10 gola dhe 5 asistime në 14 paraqitje me ekipin parisien.
Paraqitjet e tij kanë qenë vendimtare në rrugëtimin e fortë të PSG-së në Evropë, ku Kvaratskhelia ka dhënë kontribut në momentet kyçe, duke u shndërruar në një nga sulmuesit më të spikatur të këtij sezoni në Ligën e Kampionëve.
Read more:Momenti që po bën xhiron e rrjetit: Simeone sulmoi ashpër drejtorin sportiv të Arsenalit
Tani ai do të jetë në finale ku PSG do të luajë ndaj Arsenalit. /Telegrafi/
