Albi Mall Superliga e Kosovës vazhdon këtë javë me xhiron e 33-të, ku nuk pritet të mungojnë duelet e forta dhe tejet interesante.
Gjatë ditës së sotme (e shtunë) sipas planprogramit do të zhvillohen dy ndeshje, të dyja me fillim nga ora 16:00.
Vëmendja kryesore është te derbi mes Dritës dhe Ballkanit që do të luhet në stadiumin me bari sintetik në Gjilan.
Read more:Januzi shënon në shtesë, Drenica merr tri pikë të arta në Klinë
Duke marrë parasysh se Drita kryeson me tetë pikë më shumë se Ballkani i vendit të dytë, vendasit me një fitore eventuale do t’i afroheshin shumë afër titullit, ndërsa shpresat e mysafirëve në këtë aspekt do të veniteshin me një humbje.
Në takimin e fundit mes këtyre dy skuadrave këtë sezon Ballkani kishte triumfuar me rezultat 3-0 në Suharekë.
Dueli i dytë po ashtu me një rëndësi të madhe është ai mes Drenicës dhe Gjilanit.
Read more:Rahoveci siguron finalen e playoff-it në Superligën e hendbollit
‘Shqiponjat e Zeza’ synojnë me çdo kusht fitoren për të vazhduar luftën e madhe që po zhvillohet për të siguruar mbijetesën dhe për t’i ikur barazhit.
Gjilani në anën tjetër kërkon fitoren të cilën nuk ka arritur ta gjejë në pesë ndeshjet e fundit./Telegrafi/
