Superliga shqiptare e futbollit ka mbyllur sezonin e rregullt me raundin e 36-të që zhvilloi pesë ndeshje këtë të dielë. As sot nuk mungoi dhuna dhe tensioni, ndërsa në ‘Elbasan Arena’ ndeshja mes AF Elbasanit dhe KF Tiranës nisi, vijoi dhe u mbyll me sherr dhe tension. Dhjetë tifozë të kryeqytetasve u shoqëruan në polici pas trazirave. KF Tirana shpëtoi një sezon me shumë të panjohura.
Sipas rezultateve në fushë, Bylisi dhe Flamurtari janë rrëzuar në Kategorinë e Parë, ndërsa Teuta do të kërkojë të shpëtojë sezonin nga faza play-out. Ndërkohë që Vllaznia, AF Elbasani, Egnatia dhe Dinamo do të garojnë në ‘Final 4’, mini-turneun që do të zhvillohet në ‘Air Albania’ nga 16 – 31 maji dhe do të tregojë se cila mes skuadrave do të fitojë trofeun e kampionit.
Dhuna në Elbasan
KF Tirana fitoi 1-3 kundër AF Elbasanit në ‘Elbasan Arena’, por sfida nisi me tension jashtë stadiumit, për të vijuar më pas me një përleshje në fushë mes dy tifozerive, gjë që çoi në nisjen me vonesë të ndeshjes. KF Tirana shënoi me Myslovic dhe Haxhiun, para se ndeshja të ndërpritej për 14 minuta në minutën e 66-të.
Tifozët hodhën shumë sende në fushë dhe një shishe uji goditi arbitrin Juxhin Xhaja, me këtë të fundit që fërshëlleu ndaljen e sfidës duke u futur në dhomat e zhveshjes. Skuadrat pritën në fushë dhe pas 14 minutash Xhaja u rikthye për të vijuar lojën, teksa KF Tirana në fund fitoi 1-3.
Ndeshjet e tjera
Në “Niko Dovana”, Teuta fitoi 3-2 ndaj Egnatias, por përfundon në vendin e tetë, që do të thotë që do të luajë në play-out me një ekip të Katgeorisë së Parë. Në finalen e mbijetesës, Vora fitoi 5-2 ndaj Bylisit dhe siguron qëndrimin në elitë për sezonin e ri. Ballshiotët i bashkohen Flamurtarit në Kategorinë e Parë. Në “Arenën e Demave”, Partizani fitoi 2-1 ndaj Dinamos në derbin e kryeqytetit. Vllaznia fitoi 2-0 kundër Flamurtarit duke e mbyllur në krye me 63 pikë.
Si funksionon, përballjet dhe datat e ‘Final 4’
Vllaznia, AF Elbasani, Egnatia dhe Dinamo do të garojnë në ‘Final 4’. Pikët në këtë fazë do të përgjysmohen, duke marrë për bazë vlerën më të ulët dhe në total do të luhen 6 ndeshje.
Read more:Superliga vazhdon me tri super përballje, vëmendja në Suharekë
Ndeshjet e para do të luhen më 16 dhe 17 maj. Takimet e dyta do të luhen më 23 dhe 24 maj ndërsa ndeshjet e treta do të zhvillohen më 29 dhe 31 maj.
Ndeshjet dhe datat:
Java 1
Vllaznia vs Dinamo, 16.05.2026 19:00
AF Elbasani vs Egnatia, 17.05.2026 19:00
Java 2
Vllaznia vs Egnatia, 23.05.2026 19:00
AF Elbasani vs Dinamo, 24.05.2026 19:00
Java 3
Egnatia vs Dinamo, 29.05.2026 19:00
Vllaznia vs AF Elbasani, 31.05.2026 19:00
Në rast barazimi pikësh midis dy ose më shumë ekipeve në fazën “Final 4”, renditja përcaktohet sipas kritereve në vijim:
– Pikët e grumbulluara në ndeshjet direkte gjatë kampionatit dhe fazës Final 4;
– Diferenca e golave (shënuar – pësuar) në ndeshjet direkte gjatë kampionatit dhe fazës Final 4;
– Diferenca e përgjithshme e golave në të gjithë sezonin (kampionati + Final 4).
*Të gjitha ndeshjet e ‘Final 4’ do të luhen në stadiumin ‘Air Albania’ në Tiranë.
Superliga, raundi 36-të (i fundit):
E diel, 10 maj 2026 – 16:00
AF Elbasani 1-3 KF Tirana
Partizani 2-1 Dinamo
Teuta 3-2 Egnatia
Vllaznia 2-0 Flamurtari
Vora 5-2 Bylis
Renditja e Superligës pas sezonit të rregullt:
VIDEO/ Përleshja e tifozëve në ‘Elbasan Arena’, dhjetë tifozë të KF Tiranës shoqërohen në polici
Në fundin e ndeshjes AF Elbasani 1-3 KF Tirana të zhvilluar sot në ‘Elbasan Arena’, policia ka shoqëruar dhjetë tifozë miq në komisariat. Gjithçka vjen pasi në fillimin e ndeshjes dhjetëra ultras të të dyja skuadrave kapërcyen gardhet e tribunave dhe u futën në fushë duke u përleshur mes tyre. Tension pati edhe gjatë ndeshjes. Ndërhyrja e policisë solli qetësimin e situatës.
Fundi i sezonit të rregullt, shuma që përfitojnë skuadrat e ‘Final 4’ në Superligë
Me fundin e sezonit të rregullt është mësuar edhe renditja e Superligës dhe skuadrat që do shkojnë në ‘Final 4’. Vllaznia pas 36 javëve e mbylli renditjen në vendin e parë, teksa shkodranët do të përfitojnë 10 milionë lekë të rinj shpërblim nga FSHF-ja.
AF Elbasani si skuadra e vendit të dytë do të përfitojë 7 milionë lekë të rinj, Egnatia si e treta do të përfitojë 5 milionë lekë të rinj, ndërsa Dinamo si vendi i katërt do të përfitojë 2 milionë lekë të rinj.
Këto janë vetëm disa nga shpërblimet, pasi skuadra fituese e ‘Final 4’, rrjedhimisht ajo që do të fitojë trofeun, do të përfitojë edhe 10 milionë lekë të tjerë shpërblim.
Mësohen ndeshjet dhe datat e përballjeve në ‘Final 4’, si funksionon skema për shpalljen e kampionit të Superligës
Vllaznia, AF Elbasani, Egnatia dhe Dinamo do të garojnë në ‘Final 4’, mini-turneun që do të nxjerrë skuadrën kampione të Superligës. Të gjitha ndeshjet e fazës ‘Final 4’ do të zhvillohen në stadiumin “Air Albania” në Tiranë, në periudhën 16-31 maj 2026.
Sipas rregullores, pikët në këtë fazë do të përgjysmohen, duke marrë për bazë vlerën më të ulët dhe në total do të luhen 6 ndeshje. Ndeshjet e para do të luhen më 16 dhe 17 maj. Takimet e dyta do të luhen më 23 dhe 24 maj ndërsa ndeshjet e treta do të zhvillohen më 29 dhe 31 maj.
Përballjet në ‘Final 4’:
Java 1
Vllaznia vs Dinamo, 16.05.2026 19:00
AF Elbasani vs Egnatia, 17.05.2026 19:00
Java 2
Vllaznia vs Egnatia, 23.05.2026 19:00
AF Elbasani vs Dinamo, 24.05.2026 19:00
Java 3
Egnatia vs Dinamo, 29.05.2026 19:00
Vllaznia vs AF Elbasani, 31.05.2026 19:00
Në rast barazimi pikësh midis dy ose më shumë ekipeve në fazën “Final 4”, renditja përcaktohet sipas kritereve në vijim:
Read more:Mbyllet sezoni i rregullt në Shqipëri: Tirana i shpëton rënies, Teuta në barazh
– Pikët e grumbulluara në ndeshjet direkte gjatë kampionatit dhe fazës Final 4;
– Diferenca e golave (shënuar – pësuar) në ndeshjet direkte gjatë kampionatit dhe fazës Final 4;
– Diferenca e përgjithshme e golave në të gjithë sezonin (kampionati + Final 4).
Goditet arbitri Juxhin Xhaja, ndërpritet për 14 minuta ndeshja në Elbasan
Vijon me tensione ndeshja në ‘Elbasan Arena’. Në minutën e 66-të tifozët hodhën shumë sende të forta nga tribuna kryesore e stadiumit, teksa një shishe uji ka goditur arbitrin Juxhin Xhaja.
Menjëherë pas ngjarjes, kryesori ka fërshëllyer duke ftuar skuadrat në dhomat e zhveshjes. Vetë Xhaja dhe arbitrat e sfidës u futën në dhomat e zhveshjes, ndërsa skuadrat qëndruan në fushë. Pas 14 minutash ndërprerje, arbitrat u rikthyen në fushë duke vijuar ndeshjen.
Deri në këtë minutë KF Tirana po fitonte 0-2 me golat e Myslovic dhe Haxhiut.
VIDEO/ Përleshje masive në fushë mes tifozëve të AF Elbasanit dhe KF Tiranës, ndërhyn policia! Ndeshja nisi me vonesë
Ndeshja mes AF Elbasanit dhe KF Tiranës nisi me katër minuta vonesë në ‘Elbasan Arena’. Shkak për këtë u bë një sherr masiv mes tifozerive të të dyja skuadrave.
Ultrasit e dy klubeve u futën në fushë dhe kanë sulmuar njëri-tjetrin, ndërsa është dashur ndërhyrja e policisë dhe forcave speciale që situata të qetësohej disi.
Më herët tensioni nisi jashtë stadiumit, ndërsa vijoi edhe brenda tij. KF Tirana kërkon të paktën një pikë sot në udhëtim për të shmangur zonën play-out.
VIDEO/ Tension jashtë stadiumit ‘Elbasan Arena’ në prag të ndeshjes AF Elbasani – KF Tirana
Sot në orën 16:00 do të fillojë sfida mes AF Elbasanit dhe KF Tiranës, e vlefshme për javën e fundit në Superligë. Policia në Elbasan ka marrë masa të shtuara në lidhje me këtë duel, pasi dihet tensioni mes dy tifozerive.
Paçka kordonit të policisë dhe forcave speciale, në prag të nisjes së ndeshjes ka pasur një përplasje në distancë mes tifozëve të AF Elbasanit dhe KF Tiranës jashtë stadiumit ‘Elbasan Arena’. KF Tirana kërkon të paktën një pikë sot në udhëtim për të shmangur zonën play-out.
