Nënkryetari i Prishtinë dhe kryetar i degës së dytë të Lidhjes Demokratike e Kosovës në kryeqytet, Florian Dushi, ka reaguar pasi ka mbetur jashtë listës së kandidatëve për deputetë të LDK-së për zgjedhjet e 7 qershorit.
Përmes një postimi publik, Dushi ka folur për rrugëtimin e tij politik në LDK dhe besnikërinë ndaj frymës rugoviane, duke lënë të kuptohet se qëndrimet e tij mund të mos kenë qenë të përshtatshme për interesa të caktuara brenda partisë.
“Kam mbetur palëkundur dhe besnik rrugës së Presidentit Ibrahim Rugova dhe frymës së bashkëthemeluesve të LDK-së. Ndoshta pikërisht ky qëndrim iu ka penguar rrugën disa njerëzve dhe interesave të tyre”, ka shkruar Dushi.
Read more:Shumica e njerëzve e harrojnë këtë hap të rëndësishëm në dush dhe është një rrezik për shëndetin
Ai ka theksuar se për afro tri dekada ka qenë pranë anëtarësisë dhe votuesve të LDK-së, duke e konsideruar besimin e tyre si përgjegjësinë më të madhe politike dhe njerëzore.
“Kam qenë dhe do të mbetem një krah i fuqishëm e mbështetje e pandalshme për LDK-në – sepse dashnia për LDK-në duhet të jetë e pakushtëzuar për secilin që e do Kosovën, lirinë dhe demokracinë”, thuhet më tej në reagimin e tij.
Read more:Kjo pritet të jetë top 10-shja e parë e LDK-së
Kujtojmë se në zgjedhjet e 28 dhjetorit, Dushi kishte garuar me numrin 34 në listën e LDK-së, duke qenë pjesë aktive e procesit zgjedhor të partisë. /Telegrafi/
