Me përfundimin e afatit të sotëm të Komisionit Qendror të Zgjedhjeve (KQZ) për dorëzimin e listave të kandidatëve për zgjedhjet e 7 qershorit, Lidhja Demokratike e Kosovës (LDK) ka finalizuar listën e saj prej 110 kandidatëve për deputetë.
Lista e LDK-së ka tërhequr vëmendje të madhe për shkak të përjashtimit të disa figurave të rëndësishme nga top 10-shja, përfshirë Avdullah Hoti dhe Hykmete Bajrami, të cilët sipas burimeve nuk janë renditur në pozitat kryesore.
Read more:KQZ: 22 parti njoftuan për pjesëmarrje në zgjedhje, 8 për mospjesëmarrje
Bëhet e ditur se listës së kandidatëve të LDK-së në dhjetëshen e parë pritet t’i prinë: Vjosa Osmani, Lumir Abdixhiku, Kujtim Shala, Doarsa Kica-Xhelili, Lutfi Haziri, Jehona Lushaku-Sadriu, Albena Reshiti, Ukë Rugova, Jeta Statovci dhe Anton Quni.
Ndërkaq raportohet se renditja është përcaktuar pas konsultimeve të brendshme partiake dhe marrëveshjeve politike, duke reflektuar balancimin mes figurave të vjetra dhe atyre të reja në parti.
Read more:Hoti: Më 7 qershor qytetarët e Kosovës vendosin për partneritetin euro-atlantik
LDK-ja ka dorëzuar listën e plotë në KQZ brenda afatit ligjor, ndërsa pritet që ajo të kalojë procesin e verifikimit institucional para certifikimit përfundimtar për zgjedhjet parlamentare të 7 qershorit.
- Vjosa Osmani;
- Lumir Abdixhiku;
- Kujtim Shala;
- Doarsa Kica-Xhelili;
- Lutfi Haziri;
- Jehona Lushaku-Sadriu;
- Albena Reshiti;
- Ukë Rugova;
- Jeta Statovci;
- Anton Quni.
