Pasiguria dhe mungesa e informacionit për fatin e banesave të tyre ka nxjerrë sërish në protestë banorët e qendrës historike të Durrësit.
Mesditën e kësaj të marte, një përfaqësi e tyre u mblodh para Bashkisë, duke kërkuar takim me kryetaren për sqarime mbi zhvillimet e fundit të projektit TID për rijetëzimin e zonës historike.
Read more:Rasti “Pulse”: Ishte sekret publik se pronari Deko kishte mbrojtje nga policia dhe inspektoratet
Banorët shprehen se prej muajsh jetojnë në ankth dhe pa informacion të qartë për pronat e tyre, ndërsa pretendojnë se në projekt po bëhen ndryshime pa praninë e tyre.
Pasi nuk u pritën nga përfaqësues të bashkisë, banorët paralajmëruan se do të rikthehen sërish nesër para Bashkisë për të ngritur zërin mbi këtë projekt që cenon pronat dhe jetët e tyre.
Read more:Xabi Alonso dëshiron transferimin e yllit të Real Madridit nëse merr drejtimin e Chelseat
Projekti për rijetëzimin e qendrës historike të Durrësit lidhet me Planin e Menaxhimit të Integruar të Zonës Arkeologjike A dhe B të qytetit të Durrësit për periudhën 2021–2027. Në qershor të vitit 2020, Memorandumi i Mirëkuptimit për hartimin e këtij plani u nënshkrua nga Ministria e Kulturës, Fondacioni Shqiptaro-Amerikan për Zhvillim dhe Bashkia e Durrësit.
