Qeveria e Hungarisë i ka dhënë fund gjendjes së jashtëzakonshme në vend, një veprim që kryeministri i ri Peter Magyar e quajti një kthim në “normalitet”.
“Që nga sot, pas katër vitesh, gjendja e jashtëzakonshme e kohës së luftës në Hungari po mbaron, dhe bashkë me të po i japim fund edhe rregullit të emergjencës së bazuar në dekret të futur nga qeveria Orban gjashtë vjet më parë”, tha Magyar.
Korniza e qeverisjes së emergjencës u prezantua për herë të parë nga qeveria e ish-kryeministrit Viktor Orban në vitin 2020 si pjesë e masave në përgjigje të pandemisë COVID-19.
Read more:Politikani hungarez sërish bëhet hit në rrjetet sociale me vallëzimin e tij unik
Më vonë u zgjat në vitin 2022 pas agresionit rus në Ukrainë në 2022, me Orban që përmendi rreziqet e sigurisë dhe humanitare që rrjedhin nga konflikti.
Gjendja e jashtëzakonshme i dha qeverisë fuqinë për të sunduar me dekrete, të cilat Parlamenti Evropian i quajti në atë kohë “plotësisht të papajtueshme me vlerat evropiane”.
Ndërkohë, Hungaria thirri ambasadorin rus të enjten në lidhje me një sulm masiv me dron pranë kufirit me Ukrainën. /Telegrafi/
