Muajin e kaluar, Ukraina arriti të çlirojë më shumë territor sesa Rusia ka marrë nën kontroll – hera e parë që Moska pëson një humbje neto territoriale që nga inkursioni i Ukrainës në gusht 2024 në rajonin jugor rus të Kurskut, sipas një analize të “Institute për Studimin e Luftës” (ISW), një monitor amerikan i konflikteve.
Edhe pse sasia e territorit të çliruar nga Ukraina mbetet shumë e vogël – Rusia ende kontrollon pothuajse 20 për qind të territorit të Ukrainës – Kievi për momentin duket se ka epërsinë, shkruan cnn.
Ky është problem për Moskën dhe presidentin e saj, Vladimir Putin, i cili gjithmonë ka këmbëngulur se fitorja e Rusisë në luftë është e pashmangshme, sepse trupat ruse vazhdojnë të marrin më shumë territor ukrainas dhe, herët a vonë, do të marrin nën kontroll të gjithë rajonin lindor të Donbasit.
Read more:Zjarr në një nga stacionet më të mëdha të naftës në Rusi
Kjo narrativ ka qenë gjithmonë i dobët, duke pasur parasysh sa të ngadalta dhe jashtëzakonisht të kushtueshme kanë qenë përparimet ruse që nga pushtimi i plotë në vitin 2022, por ai ka ndikuar në dëm të çështjes së Ukrainës.
Në disa raste, edhe presidenti amerikan, Donald Trump është dukur se e ka pranuar këtë pikëpamje, duke deklaruar se Rusia po e fiton luftën dhe duke i thënë famshëm presidentit ukrainas, Volodymyr Zelensky vitin e kaluar se ai “nuk i ka letrat”.
“E gjithë premisa e taktikës negociuese të Putinit është përdorimi i kësaj lufte njohëse për ta bindur Perëndimin se nuk ka kuptim të mbështesë Ukrainën dhe se ata duhet thjesht ta shtyjnë Ukrainën të pranojë tani të gjitha kërkesat e Rusisë”, tha Christina Harward, zëvendësdrejtuese e ekipit për Rusinë në ISW, për CNN.
“Kjo në të vërtetë po e shpon atë narrativë të tërë”, shtoi ajo.
Ministri ukrainas i Mbrojtjes, Mykhailo Fedorov, tha të martën se muajt e fundit kanë qenë “rekord” për sa i përket sukseseve të Kievit në vijën e frontit.
Read more:Trump thotë se nuk ka mirëkuptim me Putinin për Donbasin
“Ne kemi eliminuar 35 mijë rusë gjatë prillit dhe marsit… Rusia nuk ka forcë të mjaftueshme për të vazhduar operacionet ofensive. Ushtria ukrainase po e lodh Rusinë”, tha ai.
Zyrtarë perëndimorë kanë deklaruar, duke u bazuar në të dhëna të inteligjencës, se humbjet ruse arrijnë rreth 30 mijë deri në 35 mijë në muaj. /Telegrafi/
