Në protestat e mbajtura në 5 ditë për çështjen e investimit në Zvërnec dhe kundërshtisë për këtë të fundit, qytetarët janë dëgjuar shpesh me thirrje për të bojkotuar median.
Gjatë protestës gazetarët kanë deklaruar se janë përballur edhe me tentativa pengimi dhe intimidimi gjatë ushtrimit të detyrës së tyre në terren.
Në lidhje me këtë situatë, Asociacioni i Gazetarëve të Shqipërisë shprehet se e drejta për të protestuar është një nga shtyllat themelore të një shoqërie demokratike, por thekson se gazetarët nuk janë palë në protestë, por janë aty për të dokumentuar ngjarjen, për të informuar publikun dhe për të siguruar që zëri i protestuesve të dëgjohet nga një audiencë sa më e gjerë.
“Sulmet, intimidimet apo pengimi i punës së tyre nuk i shërbejnë kauzës së askujt dhe cenojnë të drejtën e publikut për t’u informuar.
Read more:3 Maji, AGK alarmon: Presione dhe gjuhë denigruese ndaj mediave në Kosovë
AGSH u bën thirrje pjesëmarrësve në protestë dhe të gjithë qytetarëve që të tregojnë kujdes dhe respekt ndaj gazetarëve që raportojnë nga terreni, pavarësisht qëndrimeve që mund të kenë ndaj mediave apo mënyrës se si ato kanë mbuluar zhvillime të caktuara”, thuhet më tej nga Asociacioni i Gazetarëve të Shqipërisë.
