Zbardhet ngjarja në Vlorë/ 37-vjeçari u vetëplagos brenda në makinë, ishte duke pastruar armën e gjahut që e mbante pa leje

Kamberaj është vetëplagosur me armë gjahu tip çifte. Si pasojë e të shtënës, i është shkaktuar plagë në kofshë dhe pjesërisht në pjesën e ijës nga saçmat, por fatmirësisht pa i prekur arterien kryesore.

Siç raporton korrespondenti i Top Channel Mikel Marsi, 37-vjeçari ka qenë duke pastruar armën e gjahut.

Read more:“Stani monitorohej me kamera”/ Gazetari zbulon në “Top Story” detajet e vrasjes së policit dhe plagosjes së kolegut të tij: Autori jetonte me nënën, ishin angazhuar helikopterë dhe forcat RENEA

Kamberaj, sipas mjekëve, është në gjendje stabile. Pas ndërhyrjes në spitalin e Vlorës, 37-vjeçari gjendet jashtë rrezikut për jetën.

Nga dëshmitë e para pas ngjarjes, Kamberajn e kanë gjetur të afërmit e tij brenda makinës të plagosur, më pas ai është transportuar në spital.

Read more:Emri/ Plagoset me armë zjarri një person në Vlorë, dërgohet në spital në gjendje të rëndë

Policia e Vlorës ende nuk ka dalë me komunikatë. Ndërsa që prej mbrëmjes së kaluar kanë nisur procedurat për hetimin e rrethanave, duke u marrë në pyetje edhe të afërmit.

Njoftimi i policisë:

Vlorë

Mbrëmjen e djeshme, shtetasi Sh. K, 37 vjeç, banues në Sevaster, dyshohet se është vetëplagosur aksidentalisht në këmbë, me armë gjahu që e mbante pa leje. Ai po merr mjekim në spital dhe është jashtë rrezikut për jetën. Materialet procedurale u referuan në Prokurori, për veprën penale “Prodhimi dhe mbajtja pa leje e armëve të gjuetisë dhe sportive”.