Tre persona u plagosën në një aksident automobilistik që ndodhi në lagjen Maltepe të Stambollit, kur dy makina u përplasën në një kryqëzim dhe njëra prej tyre shpërtheu në flakë.
Incidenti ndodhi mëngjesit e ditës së sotme, në Bulevardin Turgut Ozal, kur makina e drejtuar nga një 25-vjeçar u përplas me një automjet të drejtuar nga një 29-vjeçar në një kryqëzim.
Përplasja e dhunshme bëri që një nga automjetet të devijonte dhe, sipas mediave turke, të shpërthente në flakë. Aksidenti plagosi të dy shoferët dhe një nga pasagjerët.
Aksidenti u regjistrua nga një kamera e vendosur në helmetën e një motoçiklisti që ndodhej në vendngjarje dhe priste në semaforin e kuq.
Videoja kap përplasjen e dy automjeteve, shpërthimin që pason dhe zjarrin që shpërthen në njërën prej tyre.
Maltepe Sahil Yolu’nda dün gece yaşanan korkunç kazanın görüntüleri…
4 kişinin yaralandığı kazada, 2 kişinin durumu ağır. pic.twitter.com/Kv7FPEdiSW
