Presidenti i Ukrainës, Volodymyr Zelensky, ka deklaruar se i ka ofruar një takim presidentit rus Vladimir Putin gjatë samitit të G7-ës që po zhvillohet këtë javë në Francë, por sipas tij pala ruse ka refuzuar idenë.
Zelensky tha se nisma ishte diskutuar me Shtetet e Bashkuara dhe Francën, duke theksuar se presidenti amerikan Donald Trump dhe presidenti francez Emmanuel Macron ishin të pranishëm në format, çka sipas tij krijonte një mundësi për bisedime të drejtpërdrejta.
“Ne dhamë mesazhin se jemi gati të takohemi me Putinin gjatë G7-ës… është një mundësi shumë e mirë për t’u takuar të gjithë së bashku,” u shpreh Zelenskyy gjatë një vizite në manastirin e dëmtuar të Lavrës Kiev Pechersk.
Sipas tij, Evropa dhe SHBA-të kanë mbështetur idenë e dialogut, por Rusia nuk ka treguar gatishmëri për të marrë pjesë në bisedime.
Një zyrtar ukrainas për Reuters ka konfirmuar se Kievi e ka propozuar drejtpërdrejt takimin dhe se çështja është ngritur edhe në komunikimet me Uashingtonin dhe Parisin, por nga Moska nuk ka ardhur përgjigje e qartë.
