Protesta në Tiranë vijon prej 27 ditësh, kundër kryeministrit Edi Rama. Gjatë marshimit të tyre në rrugët e kryeqytetit, protestuesit nuk kanë lënë pa përmendur edhe presidentin e vendit Bajram Begaj, të cilin edhe me herët e kanë kritikuar se nuk mbron të drejtat e qytetarëve.
“President i lodhur”; “Shqipëria kërkon revolucion”, “Edi Rama jep dorëheqjen”, “Rama në burg, Berisha në burg”, janë këto thirrjet që jehojnë në Tiranë.
Kjo protestë ka bërë bashkë të gjithë shqiptarët, edhe në Diasporë është protestuar në mbështetje të shqiptarëve dhe largimit të kryeministrit.
