Kryetari i PD, Sali Berisha, ironizoi kryeministrin Edi Rama gjatë një bashkëbisedimi me qytetarët në rrjetet sociale, duke komentuar bluzën e prezantuar prej tij me motivin e flamingove disa ditë më parë gjatë një takimi në Shkodër. Berisha tha se “mund të stamposësh drogën, kokainën, por kurrë flamingot”, ndërsa e sfidoi Ramën që në vend të tyre të vendoste në bluzë figurat e Belinda Ballukut, Engjëll Agaçit, Ergys Agasit dhe “Arubën”, duke i lidhur me akuzat që opozita ka ngritur ndaj qeverisë.
Sali Berisha: Njeriu që nga një anë përpiqet t’i luftojë me mjetet e tjera duke stampuar në bluzën e vet flamengot apo duke i vendosur në Facebook-un e tij, dhe i them nuk ke të drejtë morale ta bësh këtë, tregon amoralitet me këtë.
Ti mund të stamposh në bluzën tënde Lubi Ballukun, dy Lindat, Gys Agasin, Engjëll Agaçin, Arubën. Mund të stamposësh drogën, kokainën, por kurrë flamengot.
Herë tjetër i vendos ata në foton kryesore të FB, duke besuar se kështu po bëhet më miqësor me ta.
Edi Rama, për ta mbyllur, thirrja ime është jep dorëheqjen menjëherë se ti je armiku më i egër i të rinjve shqiptarë.
Je arrogant, je cinik, ti i urren ata dhe kërkon që ata të largohen nga Shqipëria. Ndaj dhe jep menjëherë dorëheqjen sepse po soset durimi i tyre.
