Mbahet sot protesta e 39 kundër kryeministrit Edi Rama. Protestuesit kanë nisur organizimin në sheshin “Skënderbej” dhe më pas pritet të marshohet drejt Kryeministrisë.
Prej më shumë se një muaji shqiptarët kërkojnë largimin e Edi Ramës dhe fundin e modelit politik që, sipas tyre, ka mbajtur peng vendin.
Gjatë ditës së djeshme, protestuesit ritheksuan kërkesat që i konsiderojnë të panegociueshme: dorëheqjen e kryeministrit dhe të qeverisë, krijimin e një qeverie teknike tranzitore, reformimin e sistemit politik dhe shfuqizimin e ligjeve që, sipas tyre, favorizojnë interesat klienteliste.
