“Je kryeministër i korruptuar, mos bëj gangsterin se nuk bëhesh dot i fortë me popullin”/ Thirrja e fortë e protestuesit: Rama jep dorëheqjen ose do të heqim ne! Shqipëria është shtëpia jonë

TIRANË – Gjatë protestës së 40-të kundër qeverisë së kryeministrit Edi Rama, një tjetër qytetar ka mbajtur fjalën para protestuesve, duke kërkuar dorëheqjen e kryeministrit dhe ndryshim politik në vend.

“Për të 40-tën ditë themi: arresto Ballukun, jep dorëheqjen. Të ka ardhur fundi. Në 13 vite ne i dimë të gjitha dështimet e tua”, u shpreh protestuesi.

Ai deklaroi se qytetarët do të vijojnë të jenë të bashkuar për një “Shqipëri të re”, ndërsa bëri thirrje që shqiptarët që jetojnë jashtë vendit të konsiderojnë kthimin në atdhe.

Read more:“Në opozitë ishte kundër zhvillimit në Zvërnec”/ Këlliçi nxjerr videon e Ballës: Kur e përcakton Rama kush do ta marrë jemi Shqipëri europiane

“Europa ka marrë gjithmonë më të mirët tanë. Çdo shqiptar ta mendojë kthimin në atdhe, kjo është toka jonë”, tha ai.

Gjatë fjalës së tij, protestuesi hodhi akuza ndaj drejtuesve politikë, duke kërkuar përgjegjësi për korrupsionin.

Read more:“Mijëra shqiptarë bërtasin ‘Rama jepe dorëheqjen’”, Ngjela: Kryeministri ka përballë rininë e Tiranës, pushtetin e sheh si ‘tablonë’ e pikturës së tij

“Nuk mund të lejojmë një kryeministër të korruptuar dhe një ish-kryeministër të korruptuar të vazhdojnë. Rama në burg, Berisha në burg”, u shpreh ai.

Në përfundim, ai iu drejtua kryeministrit Rama duke thënë: “Mos e bëj gangsterin si kryeministër, sepse nuk bëhesh dot kurrë i fortë me popullin. Me këtë popull kaq të bukur dhe të mrekullueshëm. Rama jep dorëheqjen, se po nuk e dhe do të heqim ne. Kjo është shtëpia jonë, ne vendosim”.