Kryetari i Partisë Republikane, Fatmir Mediu, ka reaguar ndaj deklaratave të ministres serbe për Administratë Publike dhe Vetëqeverisjen Lokale, Snezhana Paunovi#, e cila tha se, po të ishte në vend të ish-presidentit serb, Sllobodan Millosheviç, në vitin 1998, do ta kishte “spastruar etnikisht Kosovën”.
Në reagimin e tij, Mediu u shpreh se këto qëndrime nuk lidhen me historinë apo me mosndëshkimin e krimeve të së kaluarës, por pasqyrojnë, sipas tij, realitetin e sotëm dhe synimet e regjimit të presidentit serb Aleksandar Vuçiç.
Sipas Mediut, Serbia e drejtuar nga Vuçiçi, edhe pse aleate e kryeministrit Edi Rama, mbetet një armike e hapur e Kosovës dhe e kombit shqiptar. Ai pretendon se politikat e Beogradit synojnë aneksimin e Kosovës dhe eliminimin e shqiptarëve.
Read more:Partneriteti BE-SHBA dhe roli i pazëvendësueshëm i NATO-s në sigurinë Euro-Atlantike
Reagimi i plotë:
Qeveria e Vuçiçit, e përfaqësuar nga ministrja kriminale, bën thirrje për spastrim etnik.
Ky qëndrim nuk ka të bëjë me historinë apo me mosdënimin e krimeve, por flet për realitetin e sotëm dhe për qëllimet kriminale të regjimit të Vuçiçit.
Read more:Kikia: Në komisariat s’kishte roje, përpjekje për të tërhequr protestuesit drejt dhunës
Serbia e Vuçiçit mund të jetë aleate e Ramës, por është qartësisht armike e hapur e Kosovës dhe e kombit shqiptar. Çdo politikë e Vuçiçit dhe e qeverisë serbe synon aneksimin e Kosovës dhe eliminimin e shqiptarëve.
As deklaratat e ministres së Vuçiçit dhe as armatosja marramendëse e Serbisë nuk mund të shihen si zhvillime spontane, por si pjesë e një politike të qartë antishqiptare dhe kundër sigurisë në Ballkan, të koordinuar me Kremlinin.
