Kreu i SPAK, Klodian Braho, është pyetur në Komisionin për Nismat Qytetare nëse kryeministri Edi Rama ka ndërhyrë për të shtyrë deri në muajin shtator dërgimin në Kuvend të kërkesës për heqjen e imunitetit të zëvendëskryeministres Belinda Balluku.
Pyetja ndaj drejtuesit të Prokurorisë së Posaçme u bë nga deputetja demokrate Elda Hoti, e cila kërkoi informacion lidhur me arsyet e shtyrjes së procedurës përpara Kuvendit.
Read more:Veliaj në qeli prej shkurtit 2025, SPAK u jep leje avokatëve ndërkombëtarë që ta vizitojnë në qeli
Çështja lidhet me kërkesën që SPAK pritet t’i drejtojë Kuvendit për autorizimin e procedimit ndaj Belinda Ballukut, ndërsa kjo çështje ka shkaktuar përplasje politike mes mazhorancës dhe opozitës.
Elda Hoti: A ka ndërhyrë kryeministri Edi Rama për të shtyrë të paktën deri në shtator zbatimin e ligjit për çështjen Balluku. Si i garantoni qytetarët se SPAK zbaton të njëjtin standard ndaj çdo zyrtari, politikani pavarësisht përkatësisë politike dhe se drejtësia nuk perceptohet si selektive?!
Braho:Pyetjet tuaja lidhet me çështje konkrete. Unë nuk kam koment për çështje konkrete. Secili person që ka një çështje të hapur me drejtësinë, ka të drejtë të kundërshtojë vendimmarrjet e SPAK-ut dhe t’i drejtohet gjykatave. Ekziston e drejta e ankimit në gjykata më të larta. S’kam koment për çështjet që përmendët. Sa
Sa i përket dyshimeve për ndërhyrjen e Ramës, nëse keni prova për ndërhyrje, paraqisni prova dhe bëni kallëzim penal për rastin në fjalë pranë institucioneve përkatëse. Unë i qëndroj të njëjtit mendim se janë të gjitha të barabartë para ligjit.
