Aktivisti Edison Lika lexoi raportin e KE për shtetin e së drejtës në Shqipëri. Ai u ndal tek pika ku ky raport evidenton pengesën që qeveria Rama dhe Parlamenti i bëri SPAK për arrestimin e Ballukut duke mos i hequr asaj imunitetin.
“Sot Komisioni Europian publikoi raportin për shtetin e së drejtës por do të ndalem në dy pika për të cilat jemi në protestë.
Thuhet se qeveria dhe parlamenti ndaloi SPAK t’i heqin imunitetin një deputeteje që është Belinda Balluku. Ne nuk jemi të barabartë para ligjit pasi ajo po mbrohet me çdo kusht nga qevria e Edi Ramës.
Thuhet se qeveria nuk është mjaftuar me ndalimin po bën çmos të fusin procedura të tjera për të vështirësuar heqjen e imunitetit për zyrtarë të tjerë. Kjo do ta dëmtonte dhe zhbënte shtetin e së drejtës.
Jemi këtu për të kërkuar barazi para ligjit dhe arrestimin e Belinda Ballukut.
Pikë tjetër në të cilën dua të ndaloj është liria e medias dhe pluraliteti mediatic, thueht se një grusht pronarësh kanë kapur mediat e mëdha. Ndaj kjo protestë është ngritue edhe kundër pronarëve të mediave.
Read more:Procesi i Anëtarësimit dhe Roli Përcaktues i IBAR – Blog
Kjo protestë ka ditur të bëjë dallimin mes gazetarëve të angazhuar dhe pronaëve të mediave që nuk duan të pasqyrohet. Gazetarët kanë qenë aleatët tanë.
Jemi këtu edhe në mbrojtje të gazetarëve të ndershëm. Ka qenë shembull për të gjithë dhe nuk harron t’i çojë të fala Erion Veliajt”, tha ai.
