Greva e punonjësve grekë pezulloi për 4 orë punën në katër pikat kufitare me Shqipërinë.
Në pikën doganore të Kakavijës dhe Tre Urat në Përmet lëvizja e automjeteve nisi prej orës 07:00 dhe do të zgjasë deri në 11:00 me orën shqiptare. Tani Kakavija po punon me 3 sportele.
Ndërsa në dy pikat e tjera kufitare, atë të Kapshticës dhe në Qafë-Botë pezullimi i hyrje daljeve nisi prej orës 05:00 të mëngjesit dhe zgjati deri në orën 09:00.
Read more:LAMM: Nuk ka pritje të gjata në vendkalimet kufitare nga ana e RMV-së
Rikthehet shërbimi në pikën kufitare Kapshticë, radhë e gjatë automjetesh! Përparësi mjetet e vogla dhe autobusët
Pas përfundimit të intervalit të pezullimit të lëvizjes, ka nisur kalimi i mjeteve në pikën e kalimit kufitar të Kapshticës.
Dhjetëra automjete të vogla, autobusë dhe kamionë kishin krijuar radhë në anën shqiptare në pritje të hapjes së pikës kufitare greke. Menjëherë pas rifillimit të lëvizjes, autoritetet nisën nga puna ndërsa radha vijon të jetë e gjatë për shkak të fluksit të krijuar gjatë orëve të pezullimit.
Pas përfundimit të grevës, lëvizja në pikën kufitare ka rifilluar me përparësi mjetet e vogla dhe autobusët.
