Një qytetare pjesëmarrëse në protestën para Kryeministrisë ka kërkuar sërish dorëheqjen e qeverisë, duke iu referuar deklaratave të Departamentit Amerikan të Shtetit për situatën në Shqipëri.
Gjatë fjalës së saj para protestuesve, ajo u ndal te çështjet e krimit të organizuar, korrupsionit dhe mungesës së transparencës, të cilat sipas saj janë evidentuar edhe në raportet ndërkombëtare. Protestuesja tha se raportet përmendin gjithashtu rritjen e kriminalitetit, problemet me korrupsionin dhe pandëshkueshmërinë. Ajo deklaroi se qytetarët vijojnë protestën prej 59 ditësh me kërkesën për largimin e qeverisë.
“Ju erdhi fundi. DASH ka nxjerrë një deklaratë në 27 korrik. Doja të ndaleshe te disa pika; Shqipëria ngelet një vend ku kërkohet kujdes i shtuar për krimin e organizuar. Organizatat kriminale janë të përfshira më trafik ndërkombëtar e pastrim parash. Kriminaliteti u rrit me 7 %. Korrupsioni dhe mungesa transparencës mbetet problem. Pandëshkueshmëria mbetet problem serioz. Kemi 59 ditë që e themi që narkoqeveria bie kur qytetarët mposhtin frikën! Ndaj themi; dorëheqje! Gushti do ta mbushë këtë shesh edhe më shumë!”, tha ajo.
