Aktivistja Arvina Lleshi ka marrë fjalën në protestën qytetare para Kryeministrisë, që ka hyrë në ditën e saj të 62, ku ka renditur 10 arsye që, sipas saj, justifikojnë vijimin e protestave kundër qeverisë.
Në fjalën e saj, Lleshi deklaroi se qytetarët kanë shumë motive për të protestuar, duke përmendur një sërë çështjesh që, sipas saj, prekin jetën e përditshme të shqiptarëve.
“Protestojmë për shkolla dhe kopshte në Tiranë, për sigurinë në shkolla e burgje, sepse po jetojmë në varfëri, për gjyshërit që po na vdesin të larguar, protestojmë se Ilir Beqaj shpëton me 2 vite burg dhe ne procedohemi se po protestojmë. Protestojmë për dorëheqje.”, u shpreh aktivistja.
Protesta para Kryeministrisë vijon me kërkesat për dorëheqjen e kryeministrit Edi Rama dhe ndryshime në politikat e qeverisë.
