Ditët përvëluese të gushtit në Kosovë po i përjetojnë edhe kafshët shtëpiake, ndërsa më të ekspozuar ndaj temperaturave të larta janë qentë e braktisur që enden rrugëve. Vapa e fortë shton nevojën e tyre për ujë, veçanërisht në zonat ku mungojnë burimet ujore.
Një grup i vogël qensh, të cilët endeshin në kërkim të ujit, u afruan të etur për të pirë në momentin kur fotografi i njohur nga Kosova, Arian Mavriqi, u dha ujë. Momenti është publikuar prej tij në rrjetet sociale dhe ka tërhequr vëmendjen e ndjekësve, duke përcjellë një mesazh sensibilizues për kujdesin ndaj kafshëve gjatë ditëve të nxehta.
Read more:Fjalë që humbin rrugën dhe zërat e ngatërruar të fjalorit të gjuhës!
Arian Mavriqi është fotograf dhe aktivist i njohur në Kosovë për angazhimin e tij në natyrë dhe në mbrojtjen e kafshëve të egra. Përmes fotografive dhe videove që ndan në rrjetet sociale, ai shpesh përcjell momente nga natyra dhe mesazhe ndërgjegjësuese për mbrojtjen e kafshëve dhe mjedisit.
