5 vatra zjarri mbeten ende aktive në vend nga 25 të raportuara, kurse 1 është nën monitorim.
Në Drenie të Patosit ka një riaktivizim të vatrës, ku sërish është terreni i vështirë dhe intensiteti i flakëve ai që vështirëson operacionin ku janë angazhuar 5 mjete zjarrfikëse dhe 25 efektivë. 2 avionë zjarrfikës do të ndërhyjnë për shuarjen e kësaj vatre.
Pas zjarrit në Zidoll të Krujës që rrezikoi depot e eksplozivit dhe qytetin antik ilir të ‘Albanopolis-it, situata sot shfaqet më e përmirësuar. Në mëngjes ka rinisur ndërhyrja me dy helikopterë dhe flakët po shkojnë drejt shuarjes së plotë.
Edhe në lagjen Boje, forcat zjarrfikëse dhe ushtria po punojnë për shuarjen e vatrave aktive. Mbetet ende një vatër e vogël zjarri në lagjen Abaze, pikërisht aty nga ku nisën flakët. Në këtë zonë ka bimësi të dendur çka bëhet shkas për riaktivizimin e vatrës.
Nuk raportohen dëme në banesa, por s’mund të thuhet e njëjta gjë për florën dhe faunën e zonës që është prekur nga flakët.
Vijon zjarri në Priskë të Madhe, por pa rrezik për banesat. E njëjta situatë përsëritet në malin e Nemërçkës në Përmet ku zjarri ka rënë në një zonë të lartë pranë kufirit me Greqinë.
Nën monitorim mbetet zona e Dajtit.
Mëngjesin e kësaj të marte, kurora e gjelbër e Pukës u rrezikuar nga flakët. Dyshohet se zjarri, për të cilën ndërhynë banorët dhe zjarrfikësit, mund të ketë qenë i qëllimshëm.
Ndërkohë janë shuar vatrat në Cikallesh, Vilëz, Kallmet të Vogël dhe Goraj–Budishë. Për operacionet në këto 24 orë janë angazhuar 37 automjete zjarrfikëse dhe 365 forca operacionale, 158 efektivë të Forcave të Armatosura, 10 mjete dhe 4 helikopterë të Forcës Ajrore.
Lajm në përditësim…
Riaktivizohet vatra e zjarrit në Drenie të Patosit! Ndërhyrja e vështirë për shkak të terrenit, pritet ndihma e 2 avionëve zjarrfikës (VIDEO)
Është riaktvizuar sërish vatra e zjarrit në Drenie të Patosit ditën e sotme. Në terren ndodhen 5 mjete zjarrfikëse, 25 efektiv të shërbimit zjarrfikës dhe 15 forca bashkiake.
Read more:Paralajmëron Trump: SHBA-të do të sekuestrojnë qendrën kryesore të eksportit të naftës iraniane
Ndërhyrja është e vështirë për shkak të terrenit të thepisur dhe intensitetit të zjarrit, ndaj pritet ndihmw nga 2 avionë zjarrfikës.
Zjarri kërcënon ‘kurorën e gjelbër’ të Pukës, dyshohet i qëllimshëm (VIDEO)
Kurora e gjelbër e qytetit të Pukës është rrezikuar seriozisht mëngjesin e kësaj të marte, pasi një vatër zjarri përfshiu një pjesë të sipërfaqes së pyllëzuar.
Paraprakisht dyshohet se zjarri mund të jetë shkaktuar qëllimisht, ndërsa për shuarjen e tyre kanë punuar shërbimi zjarrfikëse i Pukës, të ndihmuar edhe nga banorët e lagjes Laçaj.
Kjo është hera e parë pas shumë vitesh që një zjarr kërcënon seriozisht këtë hapësirë të gjelbër, e cila shtrihet në qindra hektarë rreth qytetit të Pukës.
Ndërkohë, Policia ka ngritur një grup hetimor për të zbardhur shkaqet e rënies së zjarrit dhe për të verifikuar dyshimet për një zjarrvënie të mundshme të qëllimshme.
