Në vijim të punimeve në fazën e tretë për zgjerimin e autostradës Tiranë-Durrës, gjatë orëve të natës, sonte dhe 15 gusht, do të ketë bllokim të dy korsive në drejtimin Tiranë-Durrës.
Bllokimi i qarkullimit në këto dy ditë do të jetë nga ora 23:00 deri në 05:00 të mëngjesit. Gjatë këtij intervali, do të bëhet montimi i trarëve metalikë të mbikalimit të ri të Kasharit
Kush lëviz drejt qytetit të Durrësit, do të mund të kalojë në korsitë e anës së majtë të autostradës, të cilat do të funksionojnë përkohësisht si rrugë me dy drejtime lëvizjeje
Read more:Humbi kontrollin e makinës dhe u përplas me shtyllën, ndërron jetë 82-vjeçari në Divjakë (EMRI)
Ndërkohë, automjetet me destinacion Aeroportin Ndërkombëtar të Tiranës do të vijojnë lëvizjen pa pengesë.
